根據《鉅亨網》24號報導，開業於2012年6月嘅「北京星德寶」，係全球首間寶馬「5S」授權經銷商，在「銷售、零件、服務回饋、售後服務」等傳統「4S」嘅基礎上，門店又增加「永續經營」（Sustainability）一項指標，最大特點就係在設計上堅持綠色環保理念。

據中媒《藍鯨新聞》當日報導，寶馬全球首間5S舖「北京星德寶店」執笠，上百名車主被拖欠「訂金、權益金」，涉案金額超過幾百萬人民幣。有車主表示，連咁大嘅5S舖都倒閉，充值嘅「保養錢、餘下嘅權益」點算，係咪算作廢？多名車主對此感到不可置信。

而事實上，連日已陸續有多名消費者爆料，「北京星德寶汽車」銷售服務公司疑似老細「跑路」，消費者交咗上萬元訂金亦無法領車，無法退款，在店內嘅充值金以及權益恐要全部作廢。

消費者 藍藍表示，自己今年6月在「星德寶」預定一架寶馬 i3，當時合約定8月底可交車，但遲遲未有交付，佢於是上門要求退訂金，門市答覆稱一周內便可退還。然一等卻等來老細跑路。

藍藍透露，在申請退訂金期間，對接嘅係門市經理、銷售等人，但對方始終以「公司冇錢、等待融資」等各種藉口拖延退錢時間，並不斷聲稱：公司不會跑路，肯定退反你，放心。

目前「星德寶」嘅維權群內，已有超過200名消費者加入，群友大致分為兩類，一類就係 藍藍呢類被拖欠訂金嘅消費者，少則被拖欠2萬幾，多則高達5萬幾。

第二類係被拖欠充值權益嘅消費者，充值權益又分為現金充值、代金券抵用券等。有車主被拖欠5,000充值金加 7 次保養，令有車主仲有60幾張抵用券未核銷，價值上萬元。

舉報者嘅線索顯示，北京「星德寶」目前大門緊閉，門口已貼上閉店公告。公告顯示，受整體經濟環境影響，公司面臨嚴重資金壓力。為更好地保護客戶、員工利益，集團正積極尋求資金注入或尋找其他集團嘅托管方案，以解決目前困境。

據悉，寶馬對該門店嘅品牌授權，已在10月20號終止，目前公司已暫停新車及售後相關業務。在寶馬官網嘅權經銷商名單中，北京「星德寶」確實已被終止授權。

至於閉店前是否有預兆？有受訪者透露：「星德寶」在9月就已有40幾人申請退訂金，同時間門店內已十分蕭條，雖有多架車泊在店內，但已經係不賣車嘅狀態，銷售各自玩手機。直至而家店內一架車都冇，所有人都等緊門店俾個說法。

而門店倒閉，受害者不止消費者，有員工就指：目前老闆已失聯，門店員工都已離職。有多名「星德寶」老員工正在諗辦法維權，因門店已拖欠員工2、3個月工資，但礙於職業發展等原因，不便實名維權。

有銷售透露，個幾個月前，因為賣車虧損太多，所以公司已停止銷售，但售後服務仍保持正常，消費者可以正常預約維修保養。後來公司窟窿越搞越大，導致無法維持正常經營，最終唯有閉店。