根據《星島日報》22號報導，2012年《後宮甄嬛傳》在中港、台灣熱播，熱潮至今未減，台灣《八大電視台》在近年農曆新年期間，再次在YouTube進行24小時馬拉松直播，成功將《甄嬛傳》翻hit，成為一種獨特嘅網絡語言，令劇集歷久彌新。

在劇中皇帝下令「流放寧古塔」，其過程之艱辛非常人能體會。近日有黑龍江嘅旅行社捉到商機，搭上「牡丹江鏡泊湖旅遊集團」將在今年冬季推出嘅「流放寧古塔」沉浸式旅遊體驗。將重現《甄嬛傳》中多個經典橋段，等遊客置身經典場景，體驗被皇上下令放逐邊疆嘅樂趣。

近日有中媒報導指，黑龍江牡丹江鏡泊湖旅遊集團為咗吸引遊客，今年將大動作還原年代感十足嘅「寧古塔舊城」，並將還原《甄嬛傳》中嘅多個場景，並在今年冬季推出「流放寧古塔」嘅「甄嬛式流放體驗」，內容包括「著囚服、戴枷鎖」等。

該集團發佈嘅宣傳片中指出，最近有好多網友反映，想要體驗身著囚服、肩抗枷鎖，體驗被皇帝流放嘅感覺。而家大家嘅機會來啦！呢個冬季，牡丹江鏡泊湖景區將要重現《甄嬛傳》嘅經典橋段，滿足各位旅客嘅想像。

過去已有遼寧本溪推出「當野人」，而山東臨沂亦推出「攻打縣城」等沈浸式體驗，加上今次黑龍江重現「寧古塔古城」，推出「甄嬛式流放體驗」，消息曝光後，食瓜網民議論紛紛。有網友建議，既然有「著囚服、戴枷鎖」，就應該身歷其境在雪中步行，甚至可坐囚車「示眾」。

亦有網民建議，要搞「流放」就應越逼真越好，唔好在周圍搞烤串等食物舖，簡單提供體驗客「冷窩頭」，以便更好還原歷史情境。景區員工表示，由於當地冬季落雪時間長，進入12月後積雪先會穩定不化，計劃活動將結合當地冰雪嘅旅遊特色。

報導指出，寧古塔係滿族嘅發祥地之一，由於天氣嚴寒被清朝作為流放地，舊城在明末建成，位於今日嘅牡丹江 海林市 長汀鎮，清康熙年間搬遷至今日嘅牡丹江 寧安市 寧安鎮，同鏡泊湖景區相距不遠。

實際上，寧古塔非一座真塔而係地名，由於氣候惡劣、冬季溫度極低，清廷多將重刑犯流放至此。「古寧塔」係滿語中「六個」嘅音譯，據稱係滿族祖先 努爾哈赤嘅曾祖父 福滿，有6個仔在度生活而命名。

過去清朝「男囚、女囚、老人、成人、孩童」嘅流放之地，因流放過程艱辛加上環境惡劣，囚犯之間甚至有「寧上黃泉、不下寧古塔」一說。如今成為旅社、遊客嘅消費體驗地，有網民認為：簡直係日子過得太清閒。而《甄嬛傳》中，甄嬛父 甄遠道因涉「私藏叛黨詩集」被發至寧古塔，此一 雍正所謂嘅「特許」被娛樂用古裝劇視為「恩典」，亦可話係歷史嘅不幸。