根據《Now新聞台》21號報導，「祈福黨」騙案近年蔓延至海外，其中在英國倫敦有疑犯以廣東話犯案，騙取華人老婦嘅名貴首飾、現金。特區政府曾拍過一條宣傳片，其對白如下：婆婆，首飾俾我，我來為你一家人祈福吧，我一家人都好幸福。但現在不那麼容易了。

港府經常提醒市民提防祈福黨騙案，而呢類騙局近年亦出現在英國、美國、澳洲、加拿大等地嘅華人社區。英國倫敦警察廳表示，自今年一月開始，當地多個華人聚居社區經常發生祈福黨騙案，當局決定公開8名疑犯嘅照片，呼籲民眾提供線索。

英國廣播公司報道，當地嘅祈福黨一般由3名女性組成，佢地以廣東話演出預先排練嘅戲碼。有受害者憶述，自己在街上遇到騙徒後，對方先聲稱自己家人病咗，又詢問佢是否認識當地某中醫。其後第二個騙徒就會出現，話自己認識該名中醫，可以帶佢去睇。

受害者沿途在小巷又遇見第三名騙徒，對方聲稱自己係該中醫嘅親屬，可以一齊去提供協助。結果受害者一見到中醫，就被告知自己處於危險之中，家人在未來數日會發生意外，甚至死亡。騙徒後向受害者講該中醫可為其家人祈福，建議佢交出貴重物來祈福。

有受害者曾帶騙徒返屋企取走首飾，並提取四千英鎊，相當於四萬港元現鈔，裝在膠袋交予祈福黨。結果很快就被偷龍轉鳳，只能拿回磚頭、蛋糕和瓶裝水，整場騙局需時3小時。倫敦警方指，祈福黨尤其活躍於教堂街市場和利物浦路一帶，形容事件在華人社區引起極大關注。