根據《自由亞洲電台》18號報導，在「23條」生效後提早辭任嘅香港終審法院非常任法官 岑耀信（Jonathan Sumption），近日在英國《金融時報》撰文形容「香港法治岌岌可危」。在今次再度公開受訪中，佢首次提到辭職原因。其中亦談論到對香港法治及《港區國安法》嘅睇法，佢批評「47人案、立場案、黎智英欺詐案」等裁決係「荒唐、荒謬、極端」。

在10月5號播出嘅法律Podcast《Law and Disorder》，岑耀信指出佢曾多次以商業律師身分赴港打官司，欣賞香港法律文化，對海外法官一職亦有興趣，加上該職每年工作時間不超過一個月，故而同意出任；但近日佢稱：若早知後續發展，他唔會同意出任。（I wouldn’t have agreed, of course, if I had known at that stage.）

岑耀信在訪問中被問到：在辭任前是否有同其他法官討論過？岑耀信表示：有。佢指出海外法官們都清楚，如果非集體辭任，留下嘅人將面臨壓力。佢提到，對於繼續留任嘅作用有幾大，以及在外界眼中將造成乜影響，係非常個人嘅判斷。

岑耀信指出，佢尊重 廖柏嘉（David Newberger）繼續留任嘅決定，並認為 廖柏嘉係一名非常正直嘅法官，儘管兩人對此事嘅睇法不同。至於另一名在9月底宣布不續任嘅英國法官 范理申（Nicholas Phillips），岑耀信表示對方已90歲高齡，對其決定不感意外。

岑耀信並同意主持人將現時香港嘅司法狀況形容為「靈魂腐蝕」（corrupting of the soul）。佢引述上訴庭法官指，香港嘅氛圍顯著影響法官判決，司法機構再冇空間同中國政府打「游擊戰」。佢認為，美國政府試圖對香港法官實施制裁係錯誤提議，因為法官某程度上都係受害者，當地法官不能如外籍法官一樣輕易離職，多名法官已邁入中年，要佢哋選擇辭職，無疑係「財務自殺」（financially suicidal ）。