根據台灣《中央社》21號報導，「摩根士丹利」前亞洲區主席 羅奇（Stephen Roach）認為，目前中國嘅情況同日本「迷失30年」嘅情況近似，佢樂見中國意識到自身經濟問題，並願意作出措施加以補救，但佢坦言：此舉係必需嘅，但中國所做嘅遠遠不足夠。

《香港經濟日報》在當日刊登咗對 羅奇嘅專訪，他在訪問中做出以上表示。羅奇現為「耶魯大學」資深研究員，對中國自9月底推出嘅一系列救市措施，佢表示：救市行動曾令中國股市出現大幅上漲，後又顯著回調，但仍遠高於救市前水平，長期來睇，市場仍遠低於昔日高位。

羅奇話：要判斷中國9月末公布刺激措施後，股市出現意外反彈，是否等於此刻就可以放鬆心情，並對前景感覺良好，我認為為時過早。現時中國所面對嘅難題，同日本上世紀90年代陷入「失落30年」嘅問題相似。日經指數在1989年12月至1998年中，大勢跌咗66%，期間亦曾出現過4次「死貓反彈」，平均反彈幅度達34%。

羅奇指出，中國在貨幣政策上相當進取，9月24號公布嘅方案，為中國資本市場注入大量流動資金；在財政政策方面，即使財政部、住建部已作額外說明，但仍需當局作出更清晰嘅指引。不過現階段中國嘅結構性挑戰為「人口壓力、生產過盛、消費疲弱」，幾項「最大缺失」同日本結構性問題一樣嚴重，而中國尚未出手解決。

羅奇認為，中國嘅人口老化趨勢難以逆轉；在生產力挑戰方面，在呢方面對中國嘅影響較深遠，尤其係過去推動經濟增長嘅主力，正在逐步轉移至生產力較低嘅國有企業。而生產力較高、活力較強嘅民營公司，在推動中國經濟增長上嘅占比反而日益縮少。

對於消費疫弱，羅奇表示，中國政府或許可成功刺激就業及提高人民薪酬，但在社會安全網嘅支持力道不足之下，市民因為恐懼，寧願儲蓄而不消費，消費者恐繼續成為未來經濟增長不足嘅來源。因此，中國必須解決過度儲蓄嘅問題。

羅奇同時認為，中國支持房地產嘅措施只可短期穩定房市，在短期內減低投資者嘅憂慮，而房地產危機正正係當前中國經濟嘅主要障礙，房地產價錢下跌致大量財富損失，同令人聯想到日本過去亦存在類似問題。

羅奇表示，如果中國不解決結構性問題，特別係生產力及私人消費疲弱，就會如日本一樣，任何貨幣及財政刺激措施，將無法實現在實體經濟之中，成為經濟增長嘅主要牽引力。

羅奇過去曾長期在港工作，今年初，佢曾經在英國《金融時報》撰寫主題為「我痛苦地承認香港已經玩完」（It pains me to say Hong Kong is over）嘅文章，當時已引起市場及業界強烈迴響。