根據台灣網媒《太報Tai Sound》3號報導，中菲兩國近來頻頻在南海主權爭議海域爆發對峙，若有不慎即可能引爆更大嘅衝突。美國前白宮副國家安全顧問 博明在週二2號分析指，中國其實係想藉由南海事端，為未來攻打台灣預作「排演」。

根據港媒《南華早報》報導，中國、菲律賓船隻近日在「仁愛暗沙」（Second Thomas Shoal，菲國稱「愛尤銀礁」）頻頻出現對峙。中國海警船對任何接近在仁愛礁「坐灘」嘅菲國二戰船艦採取強制措施，禁止菲國補給船對舷號57號嘅「馬德雷山號登陸艦」進行補給。

在過去雙方交手嘅過程中，中方曾經對菲國船隻發射強烈水柱，並用雷射光驅趕，在近日嘅一次衝突之中，中方採取優勢人力，出動大量船隻包圍菲國海軍充氣艇，不只登船搜走對方自衛槍枝、將補給用品丟落大海、刺穿菲國海艇，甚至造成菲國一名船員手指斷裂。

美國前總統 特朗普任內嘅白宮副國安顧問 博明（Matt Pottinger），週二在「華府智庫傳統基金會」（Heritage Foundation）嘅一項活動上表示，中方在南海嘅種種行徑，其實就係針對台灣。博明認為，北京之所以針對咁細嘅一個島礁。主要用意就係要令美國威信全失，並同時將行動作為對攻台嘅一次排練。

博明表示，北京將呢度當作台灣嘅細型模型，雖然嗰度只不過係一個非常細型嘅島礁，並冇咩重要地緣戰略地位。不過博明認為，北京意在對外展示，對外展示中國可以進行封鎖，製造一種「美國無用、亦不值得信賴」嘅形象，令外界認為美國唔會出手幫助菲律賓，更唔好話要幫助台灣。

博明表示，美國應在仁愛礁爭議上協助菲律賓，向中國展示美國會透過軍事力量，支持在有關區域之盟友。針對美菲之間嘅軍事協防協議，外界對於美方會在何種情況先觸發產生質疑，並認為美國對於出兵防衛菲律賓「側側膊」。

博明認為，美方會有自身應考率之條件。佢表示，如果菲律賓總統 小馬可斯同 拜登總統討論之後，決定美方出兵協防，咁樣先係最佳狀況。博明重申，並非雙方要發動戰爭，而係美方必須對情勢有所認知，或者發生咩狀況嘅時候，應採取後果更嚴重嘅措施。

中國駐美大使館發言人 劉鵬宇對此回應稱，菲律賓侵害中國主權並刻意挑釁，美國不應該藉此挑撥離間，更不應干預。對於博明稱中國「藉南海爭議對攻台做準備排練」，劉鵬宇表示：台灣係中國自己嘅問題，應由全體中國人民決定，不容外部勢力干涉。相關人等應停止炒作台灣問題，停止製造緊張及挑釁對立。