第96屆奧斯卡金像獎今日喺洛杉磯杜比劇院舉行頒獎典禮，由《奧本海默》奪得最佳電影、最佳導演、最佳男主角、最佳男配角等7項大獎，成為本屆最大贏家。
由鬼才導演基斯杜化路蘭（Christopher Nolan）執導嘅《奧本海默》，以13項提名領跑本屆奧斯卡，最終奪得7項大獎，包括最佳電影、最佳導演、最佳男主角、最佳男配角、最佳原創劇本、最佳剪輯、最佳視覺效果。路蘭第二度提名「最佳導演」下首次得獎，亦係路蘭自2001年《凶心人》（Memento）首度提名奧斯卡以嚟，首次以個人名義得獎。
愛爾蘭男星斯里安梅菲(Cillian Murphy)憑《奧本海默》中飾演曼哈頓計劃領導者J. 羅伯特·奧本海默，首度獲得奧斯卡影帝。佢喺台上致詞時表示：「我有啲不知所措！我要多謝導演基斯杜化路蘭、監製Emma Thomas，我欠佢哋嘅，超過我能夠言喻！」
美國女星愛瑪史東（Emma Stone）憑《可憐的東西》中飾演女科學怪人角色，更有三點盡露破格演出，二度獲得奧斯卡影后。此前愛瑪史東已橫掃「英國影視藝術文化學院電影獎」（BAFTA）、「第81屆金球獎」及「美國評論家選擇獎」等多項影展影后殊榮。佢喺台上致詞時表示條裙爆咗，仲話係Ryan Gosling唱I’m Just Ken落台同佢玩嘅時候整爆，叫大家唔好留意。
以「鐵甲奇俠」廣為人熟悉嘅羅拔唐尼(Robert Downey Jr.)，憑《奧本海默》中飾演英國科學家愛德華·泰勒，首次獲得奧斯卡最佳男配角。佢喺台上致詞時含淚感謝太太，佢又感謝《奧本海默》嘅導演路蘭，佢表示自己需要呢份工作、多過呢份工作需要自己；羅拔唐尼又謙虛地表示：「喺Cillian Murphy、Emily Blunt等演員面前，我都可以做一個更好嘅人！」
37歲黑人女星達芬采兒蘭杜芙(Da’Vine Joy Randolph)憑《滯留生》中飾演女主角嘅母親，奪得最佳女配角。佢喺台上致詞說：「好長時間以嚟，我都想與眾不同，但而家終意識到，我只需要做自己。」
83歲日本動畫大師宮崎駿以《蒼鷺與少年》勇奪最佳動畫，但吉卜力卻冇派代表到場，由負責頒獎嘅基斯咸士禾夫代為領獎。宮崎駿憑《蒼鷺與少年》擊敗《蜘蛛俠：飛躍蜘蛛宇宙》、《彼思作品《元素大都會》、《美國科幻動畫《怪物少女妮莫娜》以及西班牙同法國合作嘅《汪汪夢裡人》，佢繼2003年《千與千尋》後，相隔21年再奪奧斯卡電影殊榮。
最佳電影：《奧本海默》
最佳導演：基斯杜化路蘭《奧本海默》
最佳男主角：斯里安梅菲《奧本海默》
最佳女主角：愛瑪史東《可憐的東西》
最佳男配角獎：羅拔唐尼《奧本海默》
最佳女配角獎： Da’Vine Joy Randolph《The Holdovers》
最佳原創劇本獎：《墮下的對證》
最佳改編劇本：《American Fiction》
最佳美術設計：《可憐的東西》
最佳攝影獎：《奧本海默》
最佳視覺效果獎：《哥斯拉-1.0》
最佳剪接獎：《奧本海默》
最佳原創音樂：《奧本海默》
最佳原創歌曲：〈What Was I Made For?〉／《Barbie芭比》
最佳音效：《特權樂園》
最佳服裝設計：《可憐的東西》
最佳化妝及髮型：《可憐的東西》
最佳動畫長片：《蒼鷺與少年》
最佳動畫短片：《War Is Over! Inspired by the Music of John & Yoko》
最佳實景短片：《The Wonderful Story of Henry Sugar》
最佳紀錄長片：《20 Days in Mariupol》
最佳紀錄短片：《The Last Repair Shop》
最佳國際影片：《特權樂園》（英國）
