西九文化區管理局財政困難，預計明年中資金鏈斷裂。《星島日報》一日刊登一篇西九管理局董事局主席唐英年嘅專訪，佢表示西九預計至今年6月前會自行作出決定。佢強調西九唔想申請破產，亦唔願向政府拎撥款，希望西九能夠自己想辦法解決問題，或會考慮賣地。

唐英年表示，政府了解西九而家嘅財政情況，西九已經向政府提交改善財政嘅具體方案，包括利用土地資源，但至而家仲未有回覆。

唐英年坦言，西九唔可以等到明年中真係冇錢至後，先慢慢諗去向，因簽訂文化藝術嘅展覽合約時，必須確保有足夠資金支付，唔可以而家冇錢、又唔知道將來錢從何來嘅情況下簽訂合約。佢認為要喺今年6月左右作出決定，即使拚命節省開支，爭取多一兩個月嘅時間，都係於事無補。

被問到屆時會作出甚麼決定，唐英年並冇透露有咩方案，但強調西九唔想申請破產，亦唔願向政府攞撥款。佢認為政府而家同樣面對財政壓力，唔一定願意拎幾十億元俾西九營運多若干年。

唐英年表示，西九手上唯一嘅資源只有土地，可能會賣出一部分，或以其他方法妥善運用。佢直言，西九而家並唔急於賣地，最快可能要到2026/27年先會賣。

唐英年對香港經濟前景感到樂觀，佢認為到2026/27年，樓市應該有一定程度上揚，屆時會靜觀市場情況，先決定賣出幾多土地。

對於有人擔心現時市況低迷，西九賣地會推冧市，唐英年直言呢啲說法係無知。佢指香港經濟同內地息息相關，雖然有人認為國家經濟喺疫後嘅反彈唔如預期咁快，但據國家統計局公布，內地舊年經濟按年增長5.2%，高於5%左右嘅目標，其實算唔錯，正處於穩定局面，仲話「香港好、國家好；國家好、香港只會更好！」