串流頻道 Disney+ 嘅《星球大戰》外傳劇《曼達洛人》入面嘅角色 Cara Dune 由女演員 Gina Carano 飾演，佢早前因為喺網上發表言論，能美國政治類比猶太人同納粹，結果畀迪士尼同盧卡斯影業解僱。對此，佢向迪士尼提出訴訟，指其不當解僱，而且 Tesla 創辦人馬斯克資助佢打官司。

據《英國廣播公司》（BBC）報導，Gina Carano 要求 7.5 萬美元嘅賠償金，同時要求法院強制盧卡斯影業重新僱用佢。而迪士尼同盧卡斯影業嘅律師，都未有發表評論。

據悉，Gina Carano 表示，佢被解僱是因為勇於表達自己嘅意見，同埋勇敢面對那些要 求佢遵守極端進步意識形態嘅網路暴徒，她又指自己「遭受一場意圖壓制、摧毀和樹立榜樣的欺凌誹謗活動，藝術家不應放棄作為美國公民的權利」。

馬斯克唔單止出錢資助 Gina Carano 嘅官司，佢仲喺自己嘅社交平台 X 上發文，呼籲更多人一齊加入對抗迪士尼同盧卡斯嘅訴訟。馬斯克之前都曾表示，佢會為因為喺 X 上發表言論而被禁聲嘅人，提供經濟上嘅支持。X 發言人喺一項聲明中表示，作為公司對言論自由承諾嘅一部份，能夠為 Gina Carano 嘅訴訟提供支持，X 為此感到驕傲。

2021年2月，Gina Carano 喺社交平台發文，將當下嘅美國政治狀況同納粹德國對猶太人嘅迫害作出類比，佢表示「歷史是被編輯的，如今大多數人沒有意識到，當時納粹為了能輕易圍捕數千名猶太人，政府先讓鄰居之間單純因為猶太人是猶太人而討厭他們，這與因為某人的政治觀點就討厭他有何不同？」

佢嘅言論引起爭議，言論迅速引發討論，《曼達洛人》製作公司盧卡斯影業以及經理人公司UTA開除，「盧卡斯影業」發言人聲明指「Carano在社群媒體上發布、基於文化和宗教身分誹謗他人的文章是令人憎惡且不可接受的」。

今年 41 歲嘅 Gina Carano喺美國德州，早年係 MMA 格鬥家，後來憑藉《死侍》、《狂野時速6》等電影進軍荷李活，同時喺《曼達洛人》前兩季入面出演。