亞洲足協主辦的「AFC eAsian Cup 2023」，賽事在卡塔爾舉行，有份參賽的港隊到埗，不過在比賽前卻宣布退賽，原因是比賽中使用遊戲係 Konami 開發嘅《eFootball 2024》，將香港隊標示為「Hong Kong」而非「Hong Kong, China」。這個細節嘅缺失顯然觸動咗某份人嘅敏感神經或者玻璃心，導致港隊突然退出。

呢場賽事本應係考驗技術同團隊合作，比賽選用PS5平台上的eFootball遊戲，採雙打形式作賽。現實版的亞洲盃一樣，港隊原定喺C組同伊朗、阿聯酋及已退出比賽嘅巴勒斯坦隊競爭。賽前，隊員Jason Liem、Kalok Choi和教練Jay Wong已抵達卡塔爾多哈備戰。港隊教練賽前以英語接受賽會訪問，提到港隊備戰情況，並在訪問尾聲佢要求用廣東話，向香港人表示會搏盡無悔。

然而，足總周四晚上發新聞稿，指喺周一（29日）發現電競亞洲盃「AFC eAsian Cup 2023」採用嘅遊戲程式，未能正確顯示「Hong Kong,China」參賽隊名。

足總表示經過連日同主辦方交涉後，因為仍未能妥善解決，足總按照中國香港體育協會暨奧林匹克委員會的指引同建議，通知亞洲足協退出電競亞洲盃「AFC eAsian Cup 2023」，並已刪去三人出發比賽嘅帖文。

港協暨奧委會回應表示，知悉中國香港足球總會已按指引中既定程序處理事件，並已指示總會須於一星期內提交事件報告。

對於事件，有網民表示「我建議香港選手唔好再代表香港了！因為少兩個字，話退賽就退賽，佢根本唔尊重參賽者嘅努力同付出！」「制裁香港原來咁簡單，只要所有文件唔印China，香港人就原地罰企」「要港隊輸，就係咁簡單」「星期日，香港隊對國際邁阿密CF，都無China香港播，咁足總仲唔快啲做野」「有種玩大佢啦！網域名.hk 要改哂做.chk」。

另外，足總主席貝鈞奇今日喺電台節目表示，由於比賽嘅遊戲畫面未能正確展示「Hong Kong, China」，為咗避免不必要嘅紛爭，認為退賽係較為合適嘅選擇。佢又指等隊伍回來再作出溝通，並會向港協暨奧委會提交報告。

至於周日港隊將與國際邁阿密隊比賽，宣傳品都顯示為「Hong Kong Team VS Inter Miami CF」，貝鈞奇就認為冇問題，因為Hong Kong Team 只係口頭稱呼，並唔係官方，而且性質亦唔同，佢話「我哋好多方面都會跟足，但宣傳單張係主辦方畀。球迷自發嗌『香港隊加油』，唔通要佢嗌中國香港隊？唔會逐個字眼改，大家唔係刻意。」同時佢又以廣東隊嚟香港比賽做例子，表示唔需要以中國廣東嚟稱呼，強調如果是國際正規嘅國際賽事，就要跟足指引。

足總主席霍啟山昨晚回應事件，佢表足總喺獲邀參賽時，已按要求提交所需資料，發現主辦方未顯示正式隊名，曾呼籲對方修改。佢表示對於港隊最終未能參賽感到遺憾，但表示需按照指示秉公辦理，下一步會去信亞洲足協，希望對方日後會作出改善。