今年嘅第32屆香港舞台劇獎頒獎禮，畀政府雙重封殺，除咗香港藝術發展局以頒獎禮內容對局方聲譽造成損害為由，決定停止資助，而康文署亦拒絕提供或贊助場地。外界質疑因為舊年頒獎禮，因為邀請編導蔡玉玲同漫畫家尊子所以出事。

對此香港戲劇協會（下稱劇協）表示，佢哋將會繼續舉行今屆嘅頒獎禮。劇協指出，舞台劇獎自開始以來一直得到業界嘅廣泛支持，而第32屆嘅選舉程序同頒獎典禮原本已經準備就緒。上月，劇協接到藝發局嘅通知，得知多年來嘅資助將會被扣減。劇協對於藝發局嘅決定感到非常驚訝，並已經向局方發出查詢信，但至今未有回應。

另外，香港舞台藝術從業員工會亦都有喺Facebook發文表示，指政府對舞台藝術嘅忽視令人失望，工會仲話「由治及興，我們看不到失去舞台藝術文化饗宴的社會有什麼繁榮可言」。

翻查資料，喺舊年嘅舞台劇獎頒獎禮中，港台《鏗鏘集》前編導蔡玉玲同政治漫畫家尊子曾經擔任頒獎嘉賓。蔡玉玲喺去年6月嘅頒獎禮上因為元朗721事件報道查閱車牌資料案獲得撤銷定罪及罰款，並喺頒獎禮上獲得現場觀眾嘅熱烈掌聲。而尊子則喺舊年5月，疑似因多次被政府點名而被明報停止其漫畫連載。

藝發局主席霍啟剛今日就事件作出回應，佢指藝法局雖然唔執法機構，但喺分配公帑資源時，有責任要將違反本地法律、港區國安法等風險降到最低。霍啟剛重申，藝發局作為法定機構，資源屬於政府公帑，需要特別謹慎使用。

對於去年頒獎禮嘅問題，霍啟剛指出，儘管藝發局對於具體問題未有公開詳情，但已經清楚通知劇協相關原因。霍啟剛指去年頒獎禮「出咗一啲事件」，引起唔同持分者嘅關注，藝發局必須正視。佢強調，藝發局嘅資助決定係經過中層委員會嘅充分討論後，再提交大會通過。

曾擔任藝發局委員嘅立法會議員吳傑莊喺電台節目表示，如果有受公帑資助嘅項目做出來嘅結果，同最初商討方案有落差，藝發局有責任保護形象同確保公帑運用得宜。佢指今次局方以頒獎禮內容對藝發局聲譽造成損害，係感受問題，相信係基於當時嘅社會氣氛得出結果，難以判斷對錯。 

另外新思維主席狄志遠表示，形容係粗暴嘅行政手段。佢指藝發局喺毫無預警下暫停撥款，又唔作出解釋，反映當局製造一條好深色嘅紅線，擔心政治凌駕藝術，對業界造成寒蟬效應。關於外界猜測事件同頒獎人選有關，狄志遠認為如果活動守法、無違反國安法，就應該可繼續舉行，否則就係政治審查。