中國經濟持續不振，前幾年不停高呼「東昇西降」嘅北京當局，依家竟然「紆尊降貴」邀請美國代表團訪華，更由「定於一尊」嘅國家主席習近平親自接見，不過習主席就繼續聲稱中國經濟絕非崩潰或者見頂。

習近平昨（27日）喺北京人民大會堂，同美國商界、戰略學術界嘅代表見面，強調中美兩國各界人士要「多來往、多交流、多合作」。

據新華社同央視嘅報導，習近平喺會中表示，中美之間「你中有我，我中有你」就係透過交流，交流、合作，最後交融。思想上都係一樣，唔同嘅分歧永遠會存在，因為人同人係唔一樣嘅，一家人也是不一樣的，但是「求大同、存小異」，建立更多嘅共識，國家之間、家庭之間、親人之間都係咁樣嘅。

習近平稱，去年中國經濟增長喺世界主要經濟體中名列前茅，中國發展歷經各種困難挑戰先走到今天，過去冇因為「中國崩潰論」而崩潰，現在都唔會因為「中國見頂論」而見頂。中方為包括美國企業在內嘅各國企業提供更廣闊發展空間。

習近平強調，中美應該成為對方發展的助力，不應該成為阻力。美方應與中方相向而行，樹立正確戰略認知，妥善處理敏感問題，維持中美關係止跌企穩的勢頭，積極探索正確相處之道，推動中美關係持續穩定健康向前發展。

佢話，中美關係史係一部兩國人民友好交往嘅歷史，過去靠人民書寫，未來更要靠人民創造。兩國各界人士要多來往、多交流、多合作。

根據路透社消息，大約有20間企業嘅相關人員受邀參加呢次會面，包括黑石集團行政總裁蘇世民（Stephen Schwarzman）、聯邦快遞行政總裁辛柏文（Raj Subramaniam）、高通行政總裁艾蒙（Cristiano Amon）等人。整個會面持續咗約90分鐘。

報導提到，喺習近平同美國商界見面之前，國務院總理李強並冇喺中國發展高層論壇期間同商界人士見面，呢件事引起外界對中國政府透明度嘅擔憂。

另外，雖然中國一直對海外投資者展示好意，但習近平對國家安全嘅重視令好多企業感到擔憂，唔確定可能會喺邊啲方面越界。《I》