根據台灣《公視新聞》27號報導，肯亞總統 魯托 日前持強硬態度，以優勢人數強推「增稅法案」，在法案通過之後，肯亞爆發近年最嚴重嘅示威衝突。隨著示威情勢越演越烈、死傷人數擴大嘅情況之下，一度宣稱「國安、法案」遭危險分子挾持嘅總統 魯托，態度180度大轉變，並宣布將撤回法案。

魯托表示，政府將針對「2024年財政法案」同民眾持續對話，並進行反思、認真聽取相關意見。魯托並對上街示威嘅肯亞人民表示，佢唔想同該法有所牽連，佢承認自己將不會簽署法案，法案將會自動失效。

在肯亞發生嘅「反加稅抗爭」，各方怒火已至少延燒一個星期，在25號當日，示威群眾試圖衝入國會，遭警方反制開槍，有關暴力造成多人死傷。

美國國務卿 布林肯在暴力事件發生後，即刻同 魯托通話。白宮國安會戰略溝通協調官 柯比 並對外表示，美方將持續力促各方保持克制，以免更多肯亞百姓，在和平集會中受到傷害。

肯亞係非洲國家之中，政治、經濟相對穩定嘅國家，並受到各國、組織稱讚。不過近日肯亞政府為控制公債，提出增稅法案加諸於民，各類大大細細嘅稅令當地百姓怒火中燒。

美國「非洲國際大學」教授 穆內內 表示，肯亞官方聲稱要增稅，全部係啲奇怪嘅名目，為各類冇意義嘅預算籌措資金，事件越搞越差，政府甚至冇法解釋為何稅項會自相矛盾？

網上有熟悉非洲事務嘅人士表示，肯亞沈重嘅外債係今次加稅嘅關鍵，肯亞嘅外債長期高於其外匯儲備，加上存在債務不透明等問題，可以話係債務累累難以償還。

據悉，肯亞嘅最大債權國就係中國，中國不只係肯亞最大嘅貸款融資國，亦係東非70%以上國家嘅雙邊債務來源國。根據「國際貨幣基金組織」數據，截至2023年6月，中國對肯亞融資金額高達68.2億美元。

每年肯亞由世界銀行得到嘅債務融資資金，有 25%要用於償還中國貸款，中國成為肯亞嘅最大債權國。同「斯里蘭卡、巴基斯坦」一樣，肯亞亦因「中國債務陷阱」而面臨「經濟崩潰、社會動盪」。有關國家嘅對中之貸款條款，長期因利率不透明、不公開，致問題債務將國家財政拖垮。

肯亞同時對個別投資人欠債共72億美元、對已開發國家欠債38億美元、對非洲開發銀行欠債35億美元、對世界商業銀行欠債19億美元。隨著中國經濟下行，長期利用「一帶一路」向中國融資貸款搞項目嘅國家，幾乎無一例外正在走向經濟崩潰邊緣。