根據《彭博社》27號報導，中國「遠洋集團」在香港收到清盤呈請，凸顯呢間具國資背景嘅房企，債務危機正在加劇。

香港司法機構網站顯示，中資開發商「遠洋集團控股有限公司」已在香港法院收到清盤呈請。網站顯示，該呈請由紐約「梅隆銀行」倫敦分行提起，下個聆訊日期為2024年9月11號。

「遠洋集團」係「北京、天津」兩地最大嘅房屋銷售商之一，在舊年9月起已暫停支付所有境外債務，構成實質性違約。在境內市場，遠洋嘅償債困難亦有增無減。

在此之前，「遠洋控股集團」同公司債務持有人達成「展期協議」，但根據「遠洋」周三公告，公司尚未籌措到足以償付周五到期之債券本息資金，今次到期嘅本息係早前展期債券之分期本息兌付。

公司並稱，正推進一項重大資產交易，保證在寬限期內繼續儘全力加大資金籌措力度。公司此前對銀行間嘅「定向債務融資工具」(PPN)已進行展期及債務置換。