根據台灣陸媒《中國時報》26號報導，台灣《自由時報》在25號報導稱，台灣某電視台製播之政論節目，其「內容主題、談話腳本」均有中國官媒《新華社》之駐台女記者 趙博 高度參與。

消息一出，隨即有台灣網友在網上分析，懷疑係「東Ｘ」涉入案件，被指控嘅電視台反駁稱「毫無根據」。不過在當晚，另一間同為「紅底」之電視台「中天」，其政論節目主持人 盧秀芳就點名三檔「新開政論節目」。

根據 盧秀芳點名，三檔節目分別係「三立新聞《54陪審團》、三立新聞《新台派上線》、東森新聞《決戰關鍵》」，由於「三立」一向被視為「親綠營、親台派」之節目，盧秀芳此舉被外界認為係影射「東森」《決戰關鍵》節目。

而 盧秀芳更大膽直言，稱自己咁樣嘅講法「太外行」，佢希望「民進黨」政府，趕快公布究竟係邊一間新聞台、邊一個節目，並趕快安排「國安單位」捉人！對於 盧秀芳在「中天」節目中大放厥詞，外界驚呼簡直係「狗咬狗」，眼見「東森、中天」兩大紅媒互咬，台灣觀眾直呼不可思議。

坊間傳言指，由「東森」主持人 張炤和 主持製播嘅節目《決戰關鍵》，在東窗事發之後已經緊急停播。不過有網民指，係因為收視率太差，先會將節目關閉。有網友稱，在「東森」YT頻動上，《決戰關鍵》嘅片已被刪除。另有網友表示，過去曾睇過該節目，並覺得來賓「口徑」同中共「高度一致」。