根據《中央社》20號報導，近日有衛星照片發現，中國正在上海「江南造船廠」起造一隻大船，其外型同解放軍「海軍052D型」飛彈驅逐艦相似，不過似乎並冇預留飛彈垂直發射位置，研判係一隻新型海警船，懷疑擁有更強勁嘅動力系統，中國再造新大船，應同「南海、東海」事態有關。

《星島日報》當日報導指出，近期有中國「軍事論壇」流傳一張商業衛星相，該相拍攝於「江南造船廠」，可以清楚見到一隻貌似軍艦或海警船嘅船艦在畫面中。同周圍船隻做對比，判斷新船嘅長至少150米，同萬噸級「055型飛彈驅逐艦」唔同，船體顯得更纖細，更似現役「052D飛彈驅逐艦」。

不過唔同於「052D飛彈驅逐艦」，艦砲後方大範圍「飛彈垂直發射裝置」被排除，機庫前方嘅32通道垂發裝置空間亦冇被預留。意味該艦嘅主要武器，只有一門艦砲，判斷非以「戰鬥」為主任務，而係一隻增加動力嘅大型海警船。