鞋商Adidas收匿名舉報!中國高管收幾百萬歐羅回佣

根據台灣《中央社》17號引述英國《金融時報》報道,源於德國、全球第二大運動品牌Adidas在日前接獲舉報,有人指控Adidas中國分公司高層收受賄賂,涉及款項達數百萬歐羅。

 

Adidas對外證實,指公司收到署名「愛迪達中國員工」嘅匿名信,該員工在信中警告公司,「中國愛迪達」可能存在違規行為,並「點名」指控當地數名高層,涉嫌利用職務之便,在各營銷活動中收取供應商15%至20%嘅巨額回扣。

 

信中透露,高管收賄所涉及嘅環節包括「體育營銷、品牌活化、零售行銷、貿易會議」等,被點名嘅高層包括一名掌控每年2.5億歐羅嘅「行銷預算」主管,以及一名涉嫌收取「數百萬現金、房地產」嘅高級經理。

 

該舉報信首先在中國社交媒體「小紅書」出現,不過目前已搵唔到。報道指Adidas在6月7號收到信件,知情人士稱,舉報信並冇提供有關指控嘅證據,但撰寫人似乎熟知公司內部機密,而目前亦未有員工因此而被停職。

 

Adidas在聲明中表示,公司一向致力於業務市場,並遵守當地法律、內部法規、道德標準,公司正同外部法律顧問共同深入調查事件。

發佈時間: 2024年06月18日 15:55
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.