中國噁心加味腸!屎尿煙共存!

根據《星島網》18號報導,口感爽脆、味道鮮美,深受世界各地華人親睞,成日佔據火鍋店「熱銷榜」嘅「鴨腸、鵝腸」,在近日遭中媒《新京報》披露,在「山東濱州、河南清豐」嘅兩間禽類屠宰加工廠,廠房內部環境髒亂惡劣、衛生問題嚴重令人擔憂。

 

髒亂情況包括:廠內工人用腳踏鵝腸「擠糞」、工人在排水口小便又撈出死鴨送廠內、煙頭隨意扔入鴨腸筐、鴨腸撈出死烏蠅、用紅水將鵝腸染色賣俾火鍋店。記者聯繫兩地多個監管部門,之後更收到涉事企業來電,稱報導影響銷路,要求同報社商量,撤除報導避免曝光事件。

 

《新京報》報道指出,在2024年4月下旬,該報記者分別在「山東濱州、河南清豐縣」兩間肉類食品加工廠暗訪,期間發現工廠嘅「鴨腸、鵝腸」產品,在生產過程中存在諸多衛生安全隱患。其中清豐縣「永官食品有限公司」嘅鵝腸廠,工人身著膠鞋踏鵝腸擠糞便,並用血水染色,生產環境極髒亂極差,負責人更坦言已被監管部門多次要求整改。

 

報導指出,工作人員踩踏後嘅鵝腸,會被送上流水線進行過水清洗,然後浸入有紅色液體嘅器皿中,原先米白色嘅鴨腸,又轉為粉紅色。工作人員宣稱「紅水」係血水,過一次水嘅鵝腸,睇上去更新鮮、賣相更好。負責人表示,鵝腸主要售往重慶等地嘅火鍋店,冇需標註產期,簡單冷凍並套上塑料袋就可發貨,並宣稱用料新鮮,今日宰明天發,冇需標記產期。

發佈時間: 2024年06月18日 16:25
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.