根據台灣《中央社》12號報導，主演中國電視劇「繁花」嘅中國演員 胡歌，在今日抵達台灣，將會出席由「台北市影音公會」主辦，在台北松山文創園區舉辦嘅「對話青年」活動，

針對 胡歌受邀一事，中國「國台辦」發言人 陳斌華評論指，中國劇星受邀係平常事，冇需費盡周折動用人脈周旋，平常事就用平常心處理就好。陳斌華又稱，「寶總」（胡歌係繁花飾演嘅角色）赴寶島，係兩岸同胞喜聞樂見嘅好事。

由 胡歌主演嘅電視劇「繁花」，在台灣大受歡迎。前幾日有台灣方面消息傳出，係台灣「海基會」董事長 鄭文燦促成此事，不過海基會早前低調發聲明指，有關申請案由「陸委會」審查，海基會並無參與。不過「樂見」兩岸文化交流順利進行，期盼更多「良性互動、善意理解」。

國台辦 陳斌華亦回應指，中方注意到「這位先生」（鄭文燦）已否認此事。在事件上，大家都願意「蹭熱、邀功」，說明大陸影視明星赴台進行文化交流，係「得民心、受歡迎」嘅好事。

陸委會當晚表示，台灣有關單位邀請陸籍藝人 胡歌來台，並依相關法令規定，以短期專業交流等事由，專案申請來台參加「對話青年」影視經驗交流活動。經文化部、移民署等主管機關審查同意入境。陸委會樂見兩岸藉影視作品相互增進瞭解，亦歡迎中國演藝人員來台分享影視從業經驗。