根據《自由亞洲電台》10號報導，第26屆台北電影節在日前宣布，取消對中國導演 王小帥嘅評審團主席邀約，並將另覓人選，懷疑同多年前已故導演 胡波《大象席地而坐》作品爭議有關，王小帥對此表示，感到意外不過尊重主辦。

台北影節聲明並冇透露原因，僅表示 王小帥多次入選柏林影展，更曾獲得銀熊獎，專業性、國際性完全冇問題，不過因「各方意見」而取消邀請，並對事件所造成嘅困擾表示抱歉。

影評人專頁「無影無蹤」發表長文，指 王小帥曾對已故導演 胡波有過語言暴力，在 胡波擔任劇情片《大象席地而坐》製片期間，王小帥曾批評 胡波嘅作品好差，並要求將片長4小時縮至2小時。導致29歲嘅 胡波受唔住壓，2017年在寓所選擇自殺身亡。

王小帥在9號晚回應指，尊重主辦撤回決定，不過對網上「不實猜測」表示憤怒。並強調指，胡波過世之後，佢持續保持沉默。王小帥宣稱，曾同投資方達成共識，決定將作品全數版權轉俾 胡波父母。

不過 胡波母親 楚延華在10號當日，透過導演友人 范文翰在FB臉書發聲，指王小帥就係元兇。楚延華表示：欣聞你被台北影節辭退，我毫不意外。我嘅仔 胡波，因你投資監製嘅《大象席地而坐》而死，至今六載有餘，而你從未公開回應。直至被辭退，你先終於微開尊口，發出聲明。