根據《自由亞洲電台》11號報導，月初歐足冠軍聯賽決賽，西班牙班霸主「皇家馬德里」擊敗德國「戴特蒙」奪冠，有名中國足球直撥主，賽後在球場外訪問皇馬球迷，對方在鏡頭前用西語大唱帶種族歧視內容之歌曲。對此，中國駐西班牙使館得知後表示，深感震驚、憤怒，已向皇馬球會提出嚴正交涉。

根據網上影片顯示，在賽後一片歡樂嘅氣氛中，該皇馬球迷同友人停留受訪，知道直撥主來自中國後，就突然以西班牙語對鏡頭高歌，佢先聲稱曲目係「慶祝皇馬勝利」，跟住就拉著唔明西語嘅直播主再唱一次，之後先有網民話曲目帶有「種族歧視、侮辱中國女性」等內容。

之後該涉事被訪者亦被人「起底」，在TikTok擁有180萬粉絲嘅美國網紅「Danesh」指稱，該人士就係皇馬前主席 桑斯（Lorenzo Sanz Mancebo）嘅孫，亦係現任皇馬官方解說員 杜蘭（Lorenzo Sanz Duran）嘅仔。