根據台灣《中央社》6號報導，西方國家領袖在6號齊聚法國北部海灘，紀念二戰「諾曼第登陸」（D-Day）80週年，美國總統拜登疾呼：捍衛民主自由！烏克蘭總統澤倫斯基與同場老兵互讚英雄，場面令人動容。

報導指出，1944年6月6日，有超過15萬名盟軍在法國西北「諾曼第」（Normandy）5處代號為「奧瑪哈」（Omaha）、「朱諾」（Juno）、「寶劍」（Sword）、「猶他」（Utah）、「黃金」（Gold）等海灘登陸，力圖驅逐納粹德國軍隊。

法國今年特別擴大紀念諾曼第登陸80週年，東道主法國總統 馬克龍 （Emmanuel Macron）、美國總統 拜登、英國國王 查爾斯三世（King Charles III）、加拿大總理 杜魯道（Justin Trudeau）等人皆出席當日活動。

拜登在演說中公開表示：當前世界各地嘅民主，面臨二戰以來最危險時期。孤立主義在80年前非最終答案，而家都唔係。聯盟使自由世界更強大。我祈禱美國人，永不會忘記當初教訓。拜登並宣示：唔會背棄烏克蘭，因為就算烏克蘭將被征服，過去發生嘅一切侵略行為不會就此結束。

馬克龍在奧瑪哈海灘嘅活動上表示，法國對烏克蘭嘅支持不會轉弱。佢並感謝烏克蘭人民嘅勇敢。同場嘅 澤倫斯基（Volodymyr Zelenskyy）亦起身為佢鼓掌。

今次活動最重要嘅貴賓，肯定係180名二戰倖存嘅盟軍退伍軍人，多數年齡都接近或超過100歲。部分長者坐在輪椅上，身上裹有保暖毯，不時會凝望吓海岸。

馬克龍並頒發代表法國最高榮譽嘅「榮譽軍團勳章」（Legion d’Honneur）俾其中十幾個老兵。澤倫斯基都同時在場上，並蹲下來同一名坐在輪椅嘅老兵相擁。老兵對佢話：你係人民救星。你係我嘅英雄。澤倫斯基回稱：不，係你救咗歐洲，你先係大家嘅英雄。老兵又再次回應：我會為你祈禱。

在目前為數唔多嘅老兵中，平均年齡已介於95歲以上，今次有兩名受邀老兵未能抵達法國。100歲嘅加拿大老兵 卡麥隆（William Cameron）雖然數週前已準備好要出發，不過在啟程前與世長辭。102歲嘅美國老兵 佩西奇蒂（Robert Persichitti），在搭船前往歐洲途中突然不適，由直升機送至德國醫院後不治。