黑莉表態撐特朗普!批拜登:災難

根據外媒22號報導,曾角逐共和黨「總統候選人」提名嘅 黑莉(Nikki Haley),在退選之後首次表態,宣布支持前總統 特朗普,並表明,將會在11月嘅總統大選中,投 特朗普一票。

 

黑莉解釋指,特朗普雖非完美選擇,但考慮到總統 拜登嘅施政簡直係「一場災難」,佢因此決定支持 特朗普。黑莉今年52歲,曾任南卡羅來納州州長,在共和黨初選遭遇一連串失敗後,在3月退出。在此之前,特朗普曾嘲諷黑莉移民身份。

 

黑莉先前曾多次重炮批評「醜聞纏身」嘅特朗普。不過在周三一場華府保守派智庫「哈德遜研究所」嘅活動中,黑莉向台下觀眾表示:特朗普嘅政策並不完美,過去我已講過好多次。但拜登簡直係「災難」,所以我將會投特朗普一票。

 

黑莉並敦促特朗普,盡快向過去支持黑莉嘅支持者示好。黑莉話:對特朗普來講,最聰明嘅做法,就係去爭取數百萬過去將票投俾我,而且持續支持我嘅群眾,而非認為呢班人會自動追隨。我真心希望佢咁做。

 

儘管黑莉在3月時已宣布退出競選,不過共和黨黨內初選選票依然有佢,在「清零」競選活動嘅情況下,黑莉持續在各州初選贏得超過10%嘅選票,在共和黨內人氣不減。黑莉在特朗普任期內,曾做過2年美國駐聯合國大使。

發佈時間: 2024年05月23日 17:30
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.