深圳購金實名制!銀行戶名及ID需一致

根據《自由亞洲電台》3號報導,近排有中國網上消息指,在深圳買賣黃金超過2萬蚊人民幣,須做實名登記,深圳市公安局羅湖分局翠竹派出所,在2號向《財聯社》證實消息為真。

 

公安表示,此舉係為咗「防範電騙資金流入黃金市場」。而中國黃金珠寶最大嘅「製造、加工、交易」集散地,就係位於羅湖區翠竹街嘅「水貝國際珠寶交易中心」。

 

根據公安局向黃金市場發出嘅通知,由於當前電騙違法犯罪形勢十分嚴峻,局方要求嚴格落實交易實名制,凡當日總金額在2萬元以上嘅黃金等貴金屬交易者,全部都要實名登記,而商戶要確認購買者使用嘅銀行卡戶名同本人身份證一致。

 

不過中媒《紅星新聞》前去「水貝市場」諮詢珠寶店、金舖等,多數店家都表示暫時未要求消費者登記,亦未收到局方有關嘅實名登記通知。

發佈時間: 2024年04月03日 16:39
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.