「新興市場之父」麥樸思籲「避開中國股票」

「新興市場之父」麥樸思(Mark Mobius)在近日表示,由於中國當局政策變化及經濟放緩,中國股票市場嘅吸引力已經下降,而且冇太多價廉物美嘅投資目標。

 

《彭博社》引述 麥樸思嘅分析指,進入中國市場嘅另一種方式就係透過台灣,因為即使在美國嘅限制之下,台灣仍提供大量技術,而佢自己就會選擇買入高端晶片龍頭「台積電」,麥樸思形容,台積電先係真正嘅贏家。

 

至於「新興巿場」首選,麥樸思更加屬意「印度股票」,雖然當地市場估值貴得令人擔心,但佢認為印度企業在資本回報率方面,至今表現異常出色。

 

麥樸思在推特X發文稱,印度提供咗一個有吸引力嘅消費市場,但更加要密切關注「科技行業」,尤其在總理 莫迪嘅領導之下,印度嘅科技領域已經超越好多發達國家,如果莫迪成功獲得第3個任期,可以想像將進一步推動數位發展。

發佈時間: 2024年04月03日 17:47
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.