黃明志傳死訊!瞓棺畫面娛樂父母歌迷

根據台灣《自由時報》報導,40歲大馬音樂鬼才 黃明志,在尋日1號於個人粉上傳「黑白照」,並寫下1983-2024。而第二則貼文就公布咗「告別式時間在今晚7點至10點」,地點在「富貴館追思禮堂」。

 

由於時間適逢一年一度嘅愚人節,有歌迷直呼「不敢相信」,亦有眼尖網友發現,應該係新歌發布宣傳。黃明志嘅父母在當日夜晚7點43分,在黃明志經紀人陪同下現身告別式,不過兩人神情一派輕鬆。

 

根據馬國媒體報導,有殯葬人員在臉書轉發黃明志貼文,並補充寫上:「富貴集團」史上第一次「為『活人』舉辦追思會」,無論係活生生還是走咗,我哋都會盡心盡力為客戶辦一場非常莊嚴,又冇煩惱嘅追思會。

 

由上述留言可見,所謂「告別式」,應該就係黃明志要為新專輯宣傳嘅愚人節玩笑。有網友指,消息為真,但係為咗宣傳而做效果,同殯儀館合作。不過有人覺得「玩笑」開過頭,因為2003年愚人節嗰日,就係哥哥 張國榮離世嘅日子。

發佈時間: 2024年04月02日 14:51
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.