根據《Yahoo 新聞》18號報導，一連四日復活節假期開始，唔少港人選擇外遊，今18號朝早，機場準備離境人潮眾多、人頭湧湧。日本政府早前調高「南海海槽巨震」概率至80%，有赴日旅遊港人笑言「已做好長眠喺日本嘅準備」，亦有人唔擔心行程受地震影響，有指「南海海槽震預計係未來30年」，不影響揀日作旅行目的地。

根據機管局資料，今朝8點至午時12點，全港共有33班赴日各區嘅航班。唔少港人均稱遊日為「返鄉下」，不過近期多有南海海槽地震嘅傳聞，亦未有嚇怕一眾旅客。

今朝飛往東京嘅旅客Oscar指，香港人唔會放棄任何旅行嘅機會，咩假期都要去。佢亦多請一日年假，計畫遊玩五日，預計消費約6000港元並指「我窮遊咋」。

而之所以揀選東京，佢指係因「例排返鄉下啫！點玩都好過留喺香港」。至於會否擔心日本發生地震，Oscar笑言「已做好長眠喺日本嘅準備㗎喇！」。行程亦會避免赴海邊多揀內陸「當然希望無事！」。

黎小姐就指，將前赴名古屋再轉往京都，並直指「係yen平吖嘛！」，而對於地震傳言，佢完全唔擔心，並指日本美食美景更吸引「希望可睇到櫻花」。

不過佢亦指，抵日後會準備防災物品如糧食、食水，擺住喺度有咩事都有用，但呢個唔係因南海海槽個prediction，個prediction話係嚟緊30年，去日本都知佢多震，所以都要pack定啲防災品。

另有協友遊泰四日嘅 黃小姐，由於有旅伴於學校工作，次次外遊均會選擇紅日長假期。在KK園區、地震陰霾下出發，黃小姐直言「我哋plan嘅時候無地震，同埋喺KK園爆出前已經訂。就直言「其實都擔心」，不過今次外遊亦屬「聽天由命」，又指「我擔心啲，我啲旅伴唔擔心，應該無事嘅！」。