根據《信報》財經18號報導，美國財政部數據顯示，今年2月海外債權人持有嘅美國國債「顯著增長」，其中，「中日」兩國連續第二個月增持美國國債。

截至2月底，海外債權人持有美國國債規模8萬8172億美元，按月增3.4%。其中中國持有美國國債7843億，較1月多235億，係連續第二個月增持，且增持規模較1月時18億更高；中國繼續係持有美國國債第二多嘅海外國。

日本依然是持有最多美國國債嘅國家，2月持有量達1萬1259億，按月升466億，亦係連續第二個月購入美國國債。

其他國家方面，英國、加拿大亦增持美國國債，其中，加拿大繼1月減持後，2月又大幅買入553億元，令持債規模擴至4061億。在前20名海外持有者中，只有瑞士、挪威、德國、沙特阿拉伯減持美債。

另外，環球銀行金融電訊協會（SWIFT）數據顯示，3月份人民幣於全球支付佔比為4.13%，按月下降0.2個百分點，維持在全球位列第四。

美元仍係最常用嘅支付貨幣，在全球支付比例按月上升0.13個百分點，至49.08%，惟低於1月創下嘅50.17%新高。歐羅繼續排第二，3月佔比近22%；英鎊份額僅6.64%，為舊年8月以來最低；日圓份額升至3.87%，屬5個月高位。