根據台灣陸媒《聯合報》16號報導，在全台大罷免行動主導「罷綠」嘅罷團領銜人 宋建梁，15號遭新北市地檢約談之前，戴著象徵納粹嘅「卐」字臂章，手持 希特拉（Adolf Hitler）著作「我的奮鬥」（Mein Kampf），並刻意「手口並用」做出納粹禮手勢惹議。

以色列駐台代表 游瑪雅（Maya Yaron）16號在臉書FB發文指，身為以色列駐台代表，佢對近日在台灣出現有納粹標誌、希特拉著作遭公開展示一事，表達深切關切及強烈譴責。

游瑪雅表示，啲標誌象徵著仇恨、種族歧視、極端暴力，全球普遍將其視為人類歷史上「至黑暗」嘅篇章之一。使用呢啲標誌，不僅在歷史上極不敬、不恰當，更加係對曾遭受過納粹暴行嘅倖存者、後代、猶太社群，造成深深嘅傷害及冒犯。

游瑪雅認為，呢類行為同台灣所珍視嘅核心價值「民主、包容、人權、相互尊重」嚴重背離。佢同時感謝台灣外交部今日對此事件表達明確立場，並期盼有更多台灣「機構、組織」，能夠公開譴責今次國民黨青年軍使用納粹標誌嘅行徑。

游瑪雅同希望，透過對猶太大屠殺歷史嘅深入理解，可防止類似事件再現，並促建一個更加尊重及包容嘅國際社會。同時佢亦深受台灣民眾「如雪片般」湧入嘅關心訊息所感動。指所有支持嘅浪潮，強而有力哋展示台灣人民嘅道德信念，以及對正義嘅清晰判斷。

游瑪雅指，在本月底，以色列駐台代表處將攜手台灣民主基金會，德國在台協會協力合作，三方共同舉辦「國際大屠殺紀念日」活動。透過紀念、倖存者後代嘅見證分享，以及對呢段悲劇歷史嘅教育，望深化台灣社會呢段歷史嘅認識，確保歷史慘劇不再重演。

而德國在台協會16號亦罕見發出聲明指，非常震驚再次見到有民眾使用納粹符號及身著納粹制服等新聞出現，並斥今次行為「帶有政治目的」。

德國在台協會評，多間媒體已報導 宋建樑於4月15號嘅「無恥行為」。毫無疑問，宋先生故意展示納粹手勢及符號，而納粹主義象徵著對人類嘅鄙視及迫害。

德國在台協會批，納粹政黨在統治期間，令歐洲數百千萬民眾生命遭受威脅、迫害、殘害。大屠殺係人類歷史上最醜陋罪行，我哋對此行為表示最強烈譴責。同時，本會感謝來自台灣社會嘅關心。

當日台灣網媒《Newtalk新聞》亦獨家訪問到今次事件事主、國民黨青年軍、罷綠領銜人 宋建樑，宋在專訪時對其納粹行逕不願多談，但就被問道是否擔心被國民黨懲處，佢對此直言「國民黨憑乜？黨內奶共嘅人咁多！」。

宋建樑在當日收到記者致電，宋一派輕鬆話自己啱行完山，又指陣間仲有前輩要請佢食飯。而面對其個人行徑引發嘅外交災難，宋認為，國民黨最主要嘅精神就係「反共、堅持國家統一、民族偉大復興」。

記者就問「而家嘅國民黨不反共」。宋建樑對此直言「仍然要堅持理想」。對自己行納粹禮嘅行徑就不願多談。對於是否擔心國民黨做出懲處？宋建樑就大喊，國民黨憑乜開除我，要用乜理由開除我，一堆人奶共奶成咁都未被開除！