根據台灣《壹蘋新聞》17號報導，繼民進黨立法院黨團總召 柯建銘、幹事長 吳思瑤之後，民進黨立委、黑熊學院創辦人 沈伯洋，今17號凌晨在網上公開表示，指家中收到一封恐嚇信，信中寫明要「幹掉沈伯洋老婆」，仲話要令其囡囡變成「第二個小燈泡」，並且要沈辭去立委、退出政壇，否則將對其家人動手。

對此，沈柏洋稍早已向警方報案。沈伯洋指出，今次嘅威脅就係在台灣實實在在會遇到嘅威脅。只因為你起身出面去揭露國會真相、支持罷免、阻止賣國，就會收到咁樣嘅威脅。

沈伯洋認為，台灣面臨嘅危機遠不只此。自近日捉到唔少共諜，至大罷免開始，加上 習近平積極在東海南海生事，都可感到中國其實好緊繃。佢認為，台灣人如果再不罷免，以後恐冇機會。

台灣青年政治評論員 周軒表示，在 沈伯洋嘅恐嚇信中，附有一張 沈同其太太嘅相片，並在其太太身上貼有個「死」字。呢個模式同三個幾月前恐嚇 柯建銘嘅信一模一樣。

三個幾月前，就係 柯正式號召所有人響應大罷免嘅時刻。沈伯洋收到恐嚇信，同週五要啟動嘅「全台車站串連重簽花蓮連署書」嘅時間，加上有自台北寄出嘅「偽造花蓮連署書」，加上對花蓮罷團領銜人嘅惡意抹黑，好明顯有一幫人對罷免感到害怕。

周軒坦言，台灣人要記得，而家呢幫人威脅緊 柯建銘、沈伯洋，兩人嘅身份都仲係立法委員，如果今次大罷免未有成功，呢幫人威脅嘅對象，恐會轉移至你我。周軒話，將會請警方協助保護沈伯洋同其家人。