根據《自由亞洲電台》16號報導，中國藝術家 郭珍明因在新疆進行樂器音樂演奏採風拍攝，遭烏魯木齊市廣電文旅局認定「擅自攝製電影」，罰款7.5萬並沒收其全部設備及素材。該案成2017年《電影產業促進法》施行以來，中國首例因「個人拍攝」觸法被處罰嘅案例，引發法律界、文化界廣泛爭議。

上週五11號 烏魯木齊市文旅局，召開咗一場不同尋常嘅行政處罰聽證會，被處罰人係知名藝術家 郭珍明。此前，佢因在新疆進行音樂演奏採風拍攝，被認定違反《電影產業促進法》第13條，係屬「未備案擅自攝製電影」，文旅局擬對其處以人民幣7.5萬罰款，並沒收拍攝設備及存儲素材。

郭珍明於2024年12月至2025年1月間，跟隨音樂人 王嘯展開為期數星期嘅南北疆之旅，拍攝音樂採風素材。佢在週三受訪時表示，其拍攝內容並無商業用途，僅係記錄當代音樂人創作旅程及新疆風光嘅個人藝術項目：烏魯木齊市文旅局嘅人上門對我進行執法檢查，查扣我嘅設備、素材、硬盤。

3月25號我返到北京，收到 烏市文旅局發過來嘅行政處罰事先告知書，內指要罰其7.5萬，沒收我所有設備、素材。郭珍明表示，佢並無拍攝電影，而存粹係一次個人創作嘗試。今次拍攝行為屬個人創作及個人行為，在新疆拍攝純屬藝術採風做記錄，我冇話要拍成電影，既冇片廠亦冇片花，只有啲拍攝素材。

我拍攝嘅其中一條片，內有維吾爾族女子彈奏，文旅局對我指控嘅證據之一就係，話我嘅拍攝行為觸犯《電影產業促進法》第13條。我嘅個人行為在《電影產業促進法》中冇作出規定，所以當局使用法律不當。郭認為自己並未觸犯有關規定，加上佢以個人名義拍攝，不屬於法條中規定「需備案法人或其他組織」。

代理 郭嘅律師 黎雄兵在律師函中指，該案為《電影產業促進法》實施七年來，首針對「個人拍攝行為」展開行政執法。該法係針對「有組織」嘅電影製片活動，非個人拍點素材。黎雄兵上週11號在有關該案聽證會上指，該案嘅法律適用存在嚴重問題，而且烏魯木齊文旅局非本案執法主體。

根據中國《電影管理條例》第55條，即使認定為非法攝製電影，執法主體亦應係工商行政管理部，而非廣電系統。律師團隊在致 烏市文旅局嘅律函中指，執法顯已超越法定職權，建議立即返還 郭珍明嘅設備及素材，撤銷處罰決定。郭珍明指出，其設備中嘅素材包括新疆自然風光、音樂人旅途記錄、少量民俗演奏畫面。

報導指，郭珍明曾因關注「鐵鏈女事件、白紙運動」，多次遭當局壓制，在2023年11月更被警方行政拘留15日。今次被新疆文旅部處罰，引發文化界的不滿。

中國藝術家 何三坡在受訪時話，今次事件令其諗起 三河市官員，一夜間將全市牆面刷綠嘅命令。佢認為，當局此舉同前蘇聯嘅政治笑話一樣荒誕不經。公權力一旦凌駕於法律之上，就係猛虎上街，隨時隨地可以傷人，任何荒謬絕倫嘅驚悚事件都可能發生。

《自由亞洲》曾報道，早在2023年12月，戶籍地於 湖南邵陽嘅 郭珍明，計劃赴新加坡出席個人作品《混亂與細雨》首映式，卻被以「恐危害國家政治安全」為由限制出境。郭珍明案已成為討論「電影法治邊界」及「公民創作權」嘅典型案例。未來案情走向不明。