根據台灣《自由時報》15號引述《彭博》專欄作家 瓦斯瓦尼（Karishma Vaswani）撰文指，台灣面臨美國總統 特朗普高額對等關稅威脅，但台灣並未因關稅而變得更脆弱，卻反在多方面遭遇中國圍攻，包括自台灣內部削弱台灣力量，如果不更緊急應對有關威脅，就有可能失去得之不易嘅自治權利。

瓦斯瓦尼指出，台灣一直係地緣政治熱點，若不加強其軍事實力，通過早應通過嘅國防預算，再不協助台灣人民為長期存在、可能發生嘅中國侵略威脅做足準備，就可能會失去得之不易嘅自治權。

部分分析人士推測，特朗普對貿易夥伴發起懲罰性關稅，恐會加速中國對台嘅統一進程，因華府已為此「分心」。中國亦一直對台加強軍事活動，包括向台灣周邊派遣數量激增嘅戰機及海警船。

戰略家將該行動稱為「蟒蛇策略」（anaconda strategy），即自「軍事、經濟、外交、心理」上扼殺台灣，最終迫使台灣統一，而毋須對台正式宣戰。

中國顯正為台海對抗做準備。中國人民解放軍目前係世上最大嘅海上作戰力，並繼續快速現代化。近期拍攝嘅新型駁船影片顯示，中國或已具備向台海運送數萬官兵及重型裝備能力。能力並不等於意圖，有關畫面正提醒眾人北京方面嘅野心。

與此同時，中國亦透過台灣內部「協力者」削弱台灣力量。近年台灣對間諜罪嘅起訴量大幅增加，尤其係針對軍人嘅間諜罪。北京正利用AI人工智慧製造虛假資訊活動，用以分裂台灣社會，並嘗試切斷海底通訊電纜以孤立台灣。

復旦大學 國際問題研究院學者 信強指出，中國可能會利用 特朗普嘅不可預測性為自己謀利。信強認為，中國認為 特朗普係可以交易嘅對象，該諗法恐使 特朗普陷入危險，但亦可能有啲用處。

台灣自身嘅政治情勢亦可能令中國佔上風。執政嘅民進黨及反對黨國民黨在國會對立，致關鍵國防法案被推遲。充滿不確定性嘅環境加上欠缺美國嘅安全保障承諾，可能正中習近平下懷，使台灣人相信「在北京懷抱內，比在華府嘅懷抱更安全」。

特朗普對貿易夥伴徵收關稅，並使出90日暫緩呢一招，係俾大家一個談判嘅機會，而台灣嘅 賴清德總統正希望透過今次機會，向 特朗普提出協議，不僅足以確保貿易關係，仲可以保證安全關係。

然而，淨係依賴呢一點仍存在風險。賴清德係時候要運用其政治技巧，促進反對黨等達成協議，而非放任內鬥破壞台灣嘅安全規劃。在缺乏美國為首嚇阻中國嘅戰略情形下，台灣必須優先考慮自力更生，包括努力通過國防預算。

芬蘭、瑞典等國用咗數十年，為應對俄國侵略等威脅做準備，其經驗及教訓相當有啟發。台灣正在實施全體社會韌性訓練，包括公民訓練、民防措施，將有助於為潛在攻擊做足準備。過去因舊政府擔心驚嚇公民，有關備戰努力被淡化，而家認清緊迫性係一種進步，應繼續推行。

台灣亦應協調應對中國AI假資訊活動，並對民眾進行教育，加強媒體素養、公眾意識，幫助人們認識到威脅嘅規模。特朗普嘅交易式外交，恐使台灣陷入孤立，因為中國將善用其漏洞。因此，單獨依靠美國政府意願以獲保護，等於攞自己嘅未來來賭博。台灣正遭受中國圍困，但台灣並非冇選擇以鞏固自身安全。