根據台灣《民視新聞》15號報導，美國總統 特朗普（Donald Trump）日前對全世界揮出關稅大刀，造成各國股市大震盪，連台股同受劇烈影響，一週內大盤指數出現「跌停、漲停」等不尋常現象，美新政府政策反覆，令各國相當頭痛。

對此，台灣著名財媒《財信》董事長 謝金河發文嘆，今次關稅重拳打趴台灣三大明星產業，分別係「成衣、鞋業、單車」，今次風波造成上述產業股價腰斬，佢認為有關產業如果要搬去美國「根本不可能」，謝金河並向業者釋出建議。

謝金河指，面對中國產能過剩殺戮，台灣嘅「石化、鋼鐵、水泥」，甚至已傳統產業化嘅電子產業，都呈現招架乏力嘅頹勢，但最機動嘅「製鞋、成衣、自行車」，都因在海外搵到生產基地，而且係活移動產業，成為傳統產業嘅超級明星產業。

其中最具代表嘅單車產業「巨大、美利達」；成衣業「儒鴻、聚陽、廣越、振大環球」；製鞋業「來億、志強、中傑、鈺齊、寶成、豐泰」。呢啲「成衣、製鞋」業離開中國產地後，多將產線移至「越、泰、印尼、柬、寮」等國，「振大環球」更將產線設在馬達加斯加。

在特朗普揮重拳前，移動速度快嘅活移動業者，無疑係最大贏家，似幫HOKA代工嘅「來億」，股價一度至538元，市值超過1200億，專產足球鞋嘅「志強」，股價亦跑至173.5元。

年初啱上市、專為New Balance代工嘅「中傑」，上市就衝至225元。而上述產業今次全挨 特朗普重拳，「中傑」跌至106.5元，「來億」跌至278.5元，市值幾乎縮水一半。

台灣成衣業以「儒鴻、聚陽」最具代表。謝金河話，日前同「振大環球」董事長 許公任餐敍，仲誇佢在馬達加斯加開創奇蹟，未料到今次有洗產地之嫌嘅非洲國家，被徵關稅「賴索托50%、波札那37%、馬達加斯加47%」，消息對振大環球有如晴天霹靂打擊。

新消息出臺後，「振大環球」在興櫃掛牌股價瞬間自316.5元跌至161.5元。對成衣業來講，過去嘅成功，如今正面對 特朗普嘅空前挑戰。

謝金河再指，單車產業幾乎重心都在中國，今次面臨145%重稅，壓力更加沈重。是次有洗產地之嫌嘅東恊國家，在美中角力下猶如夾心餅，今天中國外交部甚至警告越南，不得向美國遞投名狀！

而近日習近平訪「越、柬、馬」，三國將如何選邊？攸關未來關稅變化，同影響台灣三大明星產業未來。謝董最後建議，特朗普要將製造業搬返美國，至少成衣、鞋業、單車，係冇可能搬去美國生產嘅，業者唯有低調啲，睇吓日後情勢會有乜新變化。