根據台灣《中央社》13號報導，英國《衛報》報導指出，據報美國要求控制烏克蘭一條用以向歐洲輸送俄羅斯天然氣嘅重要管線；烏克蘭智庫學者 蘭達認為，基輔當局冇乜可能接受美國人嘅「殖民式」要求。

美國及烏克蘭官員本月11號再次會面，討論白宮有關礦物協議嘅提案。美國總統 特朗普希望烏克蘭交出當地自然資源，作為前任總統 拜登政府軍援烏克蘭嘅「回報」。

《路透社》提到，雙方在呢場會談中愈來愈針鋒相對。美國最新版草案，甚至較今年2月嘅初版更加「極端且強硬」，內容提議交俾美方價值5000億美元嘅稀有金屬，及石油、天然氣等。

報導引述知情人士說法指，最新文件仲包含要求交由美國政府旗下嘅「國際開發金融公司」（International Development Finance Corporation），以控制該國天然氣管道。

該管道建於蘇聯時代，連結俄羅斯西部 蘇賈鎮（Sudzha）、烏克蘭 烏日霍羅德市（Uzhhorod），相距約1200公里，係重要國家基礎設施及能源輸送要道之一。烏日霍羅德位於歐盟（EU）成員國 斯洛伐克邊界附近。

今年1月1號，烏克蘭同俄羅斯天然氣工業公司「Gazprom」簽署嘅5年合約到期，因此切斷天然氣供應。兩國先前都賺咗數億歐元嘅過路費，包括在俄烏戰爭頭3年期間。

《衛報》（The Guardian）報導指出，烏克蘭智庫「經濟戰略中心」（Centre for Economic Strategy）資深經濟學者 蘭達（Volodymyr Landa）話，美國人「想攞幾多就攞幾多」。佢認為，烏國政府冇乜可能接受美國人「殖民式」嘅要求。

烏克蘭總統 澤連斯基（Volodymyr Zelenskyy） 在舊年秋季美大選前提議，由美國進入烏克蘭開發當地未開發嘅礦業，其期盼透過達成該項協議，以未來合作投資利益做交換，望當時聲勢大漲、有望執政嘅 特朗普政府，繼續提供武器俾烏克蘭。

然 特朗普拒絕做出對烏國嘅安全保證或提供軍援，但仍想要烏克蘭嘅稀土等礦產。特朗普在3月底抱怨 澤連斯基，指其企圖「退出協議」，又話 澤連斯基如果唔簽協議，會有遇上「大麻煩」。

澤連斯基在本月10號表示，已準備好同意該項有助烏克蘭現代化嘅協議，但烏方唯有在雙方「平等」嘅情況先會同意，又指收入要「五五分帳」。澤連斯基指：我正在捍衛屬於烏克蘭嘅資產，協議應對美烏雙方都有利先正確。美國財政部已證實雙方正進行技術會談。