根據台灣《民視新聞》近日多篇跟進報導，中國網紅「陳老師」陳宇鎮，之前因會批評中國當局，而廣受網友關注，並一度被認為係反共網紅，在YouTube頻道有高達48萬人訂閱。

然而，近日卻頻頻被爆出佢其實係「假反共」，甚至其言論可能係「帶任務」嘅反串。如今，在 陳宇鎮日前透露自己返中國，而原被中共封鎖嘅銀行帳戶，經妥協後已解封，再次掀起網友熱議。

新加坡籍嘅反共評論家Jing對此表示，呢啲假反共嘅網紅根本就係帶任務，並利用自己有台灣女友做掩飾，同台灣網友互動、蹭流量，被台灣網紅戳破後就暴怒返中國，根本係典型變色龍。

據悉，偽反共YouTuber陳宇鎮，日前遭台灣百萬網紅「波特王」發文指控，指 陳宇鎮開始轉為親共，事後 陳宇鎮就發片反擊 波特王，指佢造謠，雙方在網上展開一場罵戰。

時事觀察YouTuber「大樹院長」在日前點評 陳宇鎮時，就曾經直言 陳宇鎮有啲「年少輕狂」，並指其發言往往帶有啲情緒，因此造成某啲人嘅誤會。顯係為 陳宇鎮「講好說話」。

大樹更為其辯稱，雖然 陳宇鎮可以同 鍾明軒做朋友，但仍力挺 王志安呢類「危險份子」實不應該，縱使佢而家仍反對共產黨，但仍感覺出其骨內仲有「中共餘毒作祟」。網路世界真真假假，仍有待觀眾各自判斷。