根據網媒《Yahoo新聞》8號報道，烏克蘭總統 澤連斯基（Volodymyr Zelenskyy）在當日表示，烏軍在東部 頓涅茨克地區同俄軍交戰期間，俘虜到兩名中國士兵。澤連斯基指出，兩兵在烏克蘭領土同烏軍交戰時被捕，身上並攜有身份證文件、銀行卡及其他個人資料。

澤連斯基在社交網指，根據當局官方初步掌握嘅情報顯示，俄軍部隊中可能有更多中國籍士兵，烏克蘭政府將正全力核實所有細節，包括「情報部門、烏克蘭安全局（SBU）、武裝部隊」等相關單位正協力同步調查。

澤連斯基在當日表示，已責成烏克蘭外交部長即時聯絡北京，要求中方就今次事件予以回應。佢認為，中國若捲入戰事無論係直接或間接，均反映出俄羅斯總統 普京有意延長戰爭，佢正尋找各種方法「繼續延長戰爭」。

澤連斯基強調，今次最新嘅局勢發展「絕對需要中方一個回應」，佢並呼籲美國、歐洲及全球所有支持和平嘅國家對此作出反應。佢並補充，今次被俘嘅兩名中國公民，目前由烏克蘭安全局看管，有關調查及後續行動仍進行中。

根據 澤連斯基在社交網轉發嘅影片，其中一名被俘士兵雙手被綁，並講出「然後我的commander，然後就…然後我…他就…」等一段中文回應，一旁並有相信係烏克蘭嘅翻譯員，正在轉譯該士兵所講嘅內容。

今年一月，烏克蘭軍隊亦曾在 庫爾斯克地區俘虜過兩名朝鮮士兵，當時韓國政府曾表明，願意接收嗰次被俘人員，並表示部分朝鮮士兵已有意申請在韓國嘅庇護身份。