特朗普不按牌理美股跌熊市 投資人恐慌拋售離市觀望
特朗普不按牌理美股跌熊市 投資人恐慌拋售離市觀望

根據揭真中媒《新唐人》8號報導,美國總統 特朗普新關稅政策引發全球股票市場震盪,美國三大股指7號持續重挫,投資人信心遭遇打擊。分析指出,關稅戰正深刻改變全球貿易格局。

 

特朗普自4月2號啟動對等關稅政策後,全球金融市場持續動盪。道瓊斯指數一度暴跌1700點,「標普500、那斯達克」亦同步下探,觸及52週來新低。投資人情緒動盪,即使市場一度受「90日暫停關稅」等假消息鼓舞短暫反彈,不過在白宮迅速澄清係「假新聞」之後,股市又再次回落。

 

金融分析公司「Bankrate」首席分析師Greg McBride表示:關稅及反制措施改變全球貿易規則,之後嘅「方向、持續時間、談判結果」均充滿不確定性,呢個先係造成股市劇烈拋售嘅主因。其中科技股成為重災區,蘋果大跌5.4%,微軟下跌1.7%,特斯拉重挫5.2%。

 

每股週一晚收盤,道瓊斯工業指數下跌349點,跌幅0.9%;標普500指數微幅小跌0.2%;那斯達克指數微升0.1%。資深時評員 秦鵬認為,投資人普遍驚通貨膨脹加劇、驚他國報復、驚美國進入經濟衰退。不過佢認為似乎有啲恐慌過度。

 

秦鵬表示,石油價、通膨、長期利率實際都下降緊,由於有超過六萬億美元嘅投資承諾,製造業同有回流,所以美國嘅經濟暫時未有結構性或系統性問題。

 

其說法呼應 特朗普在網上為關稅政策辯護,強調「油價、利率、食品」價錢都有下跌,「根本冇通膨」嘅說法,特朗普並呼籲聯準會降息。不過,美國聯準會主席 鮑威爾嘅表態持審慎態度。

 

美國聯邦儲備委員會主席 鮑威爾 (Jerome Powell)話:總體上美國經濟表現強勁,過去兩年來已實現預期目標並取得重大進展。勞動力市場仍穩健,通膨率已更接2%嘅長期目標,儘管通膨仍略高。

 

特朗普政府表示,已有超過50個國家主動聯繫美國政府,希望可以展開貿易談判,相信亦包括多個專為中國「洗產地」嘅國家。而指標性嘅蘋果公司,因組裝多位於中國,其股市表現最被外界注目。

 

源自上週四3號嘅呢波拋售潮,使蘋果在過去三個交易日內股價大跌 19%,市值蒸發達6380億美元。有分析師指,蘋果係對貿易戰曝險程度最高嘅公司之一,主要就係因其高度依賴中國市場。

 

而中國目前面臨高達54%嘅高關稅,中方不只宣布將採對等關稅,甚至面對 特朗普再加碼50%嘅威脅,仍回應「奉陪到底」。雖然蘋果在「印度、越南、泰國」同設有製造廠,但上述國家同受關稅戰波及。

 

《鉅亨網》報導指出,蘋果在三日內緊急安排5架滿載 iPhone 及其它產品嘅貨機,自印度及中國飛返美國,以規避美國總統 特朗普周六5號起所生效嘅新10%對等關稅。

發佈時間: 2025年04月08日 13:36
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.