根據台灣《中央社》8號報導，美國 特朗普政府「對等關稅」稅率計算公式似乎出現代入錯誤，美國企業研究所（AEI）研究員重新計算後發現，實際稅率僅為公布數嘅大約四分一，因此日本嘅關稅率不應為24%、台灣嘅關稅率不應為32%，都應適用10%。

《日本經濟新聞》報導指出，「美國企業研究所」在4號發布分析指，據美國貿易代表署（USTR）公布嘅關稅稅率計算公式，分子為「出口額減去進口額」，即係貿易逆差金額，分母為兩個係數及進口金額嘅相乘積。

問題出自分母使用嘅係數，第一個係數為「關稅對進口價格的變動數值」，USTR將其設定成0.25，第二個係數為「進口需求對價格嘅彈性值」，該係數被設定為4。

不過，0.25及4相乘變成1，使得整個關稅稅率計算公式實際上變成「貿易逆差」除「進口金額」。美國政府再將結果除2，就變成2號對各國公布嘅關稅率。AEI研究員指，第一個係數應代入數並非0.25，而係0.945。美國政府並錯誤使用「關稅對零售價嘅彈性值」代入計算，而非進口價嘅變動值。

據重新計算過嘅關稅率，日、台、中、韓、歐都應適用10%，越南12.2%、寮國12.7%、柬埔寨13.0%、賴索托13.2%。特朗普政府公布嘅數字卻係 賴索托50%、柬埔寨49%、寮國48%、越南46%、中國34%、台灣32%、韓國25%、日本24%、歐盟20%。

特朗普政府為解釋所使用嘅進口價格彈性值，引述一篇論文，結果該論文嘅共同作者同話 特朗普政府「完全搞錯咗」。芝加哥大學布斯商學院經濟學家 尼曼（Brent Neiman）投書《紐約時報》表示，上週總統展示嗰張巨大圖表時，我就心諗「天啊！啲數點可能咁高？」。

而其團隊在計算對等關稅時，引用嘅就係 尼曼及另3名經濟學家在2021年共同發表嘅一篇關於關稅嘅論文。尼曼同AEI 嘅分析一致，認為實際稅率應係美國政府公布嘅約四分一。佢表示，我認為佢哋在我哋嘅研究中抓錯數。就我嘅研究，我會代入嘅係數係政府使用條數嘅4倍，因此，佢哋計出嘅逆差較實際情況高4倍」。