根據香港《now新聞》7號報導，香港6名區議員舊年在區議會大會「零發言」，民政及青年事務局局長 麥美娟對此回應指，相信議員出席會議前已睇過議程及做足準備，佢認為若議員嘅意見已有其他人提出，就冇必要重複發言，應要善用會議時間。

民政及青年事務局局長 麥美娟話，我舉手遲過旁邊嗰個，我要講嘅話佢已經講咗，唔通我仲要重複佢嘅說話？既然同佢意見一樣，講多次都係冇意義，仲要寫在會議紀錄。

除非大家想睇到好似以前拉布嘅情況、曠日持久，開個會八小時、十小時。大家會希望區議員利用八、九個鐘，大家重複又重複講一件事，然後睇到數字好好，個個都話過千百次，或大家希望區議員善用時間，在地區接觸會見市民？