根據台灣《三立新聞》6號報導，美國總統 特朗普在2號宣布新關稅政策，對全球貿易市場投下震撼彈。2008年諾貝爾經濟學獎得主 克魯曼（Paul Krugman）近日直言，特朗普政府公告嘅文件，更似一班基層在幾小時內「趕火車」所催生嘅產物，並批貿易代表署嘅公告則似學生「萌塞」亂寫考卷。

克魯曼3號在網上Substack平台撰文指，美國前總統羅斯福在1934年制定《互惠貿易協定法》，等美國逐步創建出現代世界貿易體系，雖然對國際貿易成長有一定負面影響，但整體上，無論對美或對世界都非常有利，堪稱係美國最偉大嘅政策之一。只不過，特朗普將一切都燒毀晒。

克魯曼指，特朗普政府計算同他國平衡貿易差額時，只考慮貨物貿易、忽略服務貿易，根本無法反映真實情況。單獨睇貨貿，歐盟對美有龐大貿易順差，但呢筆數據好大程度被歐盟服貿嘅逆差所抵消。其計算未將服貿納入，歐洲因此被貼上保護主義標籤。

克魯曼批評，在佢睇來，呢份文件就似基層職員接獲上級通知，並在短短幾個鐘之內匆忙編造出嘅產物。尤其美國貿易代表署嘅聲明，讀起來更似未讀過書、試圖在考試中「發噏瘋 」嘅學生所寫嘅。更似係請ChatGPT等AI模型所製定嘅關稅政策。

克魯曼認為，當前關鍵在於，特朗普實際上完全唔打算實現所謂經濟目標，而係對外展示其統治地位，其目的在於震懾人民並要佢哋卑躬屈膝。