根據《自由亞洲電台》7號報導，武漢疫情吹哨人之一醫生 艾芬，佢因揭露醫療事故遭誹謗，近日法院裁決其勝訴同時，卻被全網封號。艾芬好友證實，艾芬擁有200萬粉絲、用作揭露醫療問題嘅微博號被封，除此之外，在誹謗案勝訴後，其新註冊未曾發文嘅賬號亦被封，估計係遭遇報復。

同 李文亮一樣被喻為疫情吹哨人嘅湖北武漢急診科醫生 艾芬，近日被全網封號嘅事件引起各界關注。近年佢透過在微博有200萬粉絲嘅賬號「急診向日葵艾芬」，披露涉及愛爾眼科醫院秘辛，包括在手術時拳打患者、涉嫌賄賂公職人員等多宗違規違法問題。

該醫院黨委副書記兼公共事務總監 段賽民自2021年起，持續透過微博發佈誹謗 艾芬言論。艾芬向 段賽民等3名涉誹謗者提告，武漢市江漢區人民法院近日判 艾芬勝訴，但 艾芬嘅微博、小紅書等多個社交網賬號同時被封號。

4月2號艾芬起訴醫院黨委副書記 段等3個人判決書出街後半個鐘，艾芬再次申請新微博號亦被封。她連一個字都未發就被封「你話奇不奇」。其好友 趙麗透露，艾芬會堅持揭露醫療問題，並會嘗試寫信赴網信辦要求解封其賬號。

不過由於維權過程漫長，艾芬擔心再有病人成醫療事故受害者。趙麗話﹕芬芬話如果只考慮其個人，佢可自愛爾眼科攞到高額賠償金，但佢作為醫生，拒絕呢筆高額賠償。並覺得愛爾眼科咁樣對老百姓係唔啱嘅。

佢堅持揭露醫療問題，可能在過程中觸犯多人利益。今次微博等賬號被封，佢為此失去好多發言陣地，一個揭露真相嘅陣地，佢擔心愛爾眼科會繼續肆無忌憚去做違紀、違規、違法等行為，繼續傷害病人嘅權益。