根據台灣《中央社》7號報導，在中國政府採強硬態度回應美國「對等關稅」之際，中國社會科學院經濟研究所在尋日宣布，將撤銷該院「公共政策研究中心」。原因疑係日前，該中心學者 賀濱被發現在網上發文，批評中方同等加稅反制措施不智。

中國社科院經濟研究所6號在官網發布「關於撤銷中國社科院公共政策研究中心之聲明」。「聲明」稱，據該院管理辦法，2號起正式撤銷其「公共政策研究中心」，該中心官網、平台同將在6號關閉，並註銷其微信號。

聲明話，該中心本屬冇獨立法人資格嘅非實體研究中心，不涉及實體資產。其原已執行緊嘅科研項目，將會交俾經濟所統籌處理，所內兼職研究員將回歸原部門，外聘員將依法解除聘用關係，外聘專家合作關係亦將自動終止。

多間自媒體在尋日附上其微信朋友圈截圖，署名「賀濱 中國社科院公共政策中心」嘅網友，對中方提出對所有美國進口商品加徵34%關稅新聞提出批評。

賀濱直指，此舉係完全錯誤嘅「反制措施」，相當於「你敢打你老婆，我就打我老婆」。並指美國提高關稅係搬石砸自己腳，我哋不應砸自己腳。正確反制措應係對所有國家進口品實施單方零關稅。

不過，其有關說法被網友認為係「投降論」，並對此加以批評。據先前嘅公開報導，賀濱係中國社科院公共政策研究中心特約研究員。意味著，該中心撤銷後佢同將被解僱。

中國社科院係直屬於中國國務院嘅「部級智庫」，為中國領導層提供政策制定方面建議，隨著經濟情勢嚴峻、敏感，經濟研究所近年已非首次陷入輿論漩渦。

2024年中國社科院「經濟研究所」副所長 朱恆鵬，疑在微信群批評習近平對國內經濟管理，事後遭調查並被拘留免職。經濟所所長、書記、副所長全被撤換，事件被形容為該所嘅「政治地震」。