根據台灣《中央社》30號報導，美國總統 特朗普在當日表示，佢日前話要尋求第3個總統任期「並非講笑嘅」。然而有專家認為，如果搞修憲變更總統任期限制，有關程序極為嚴苛，考量共和黨目前控制嘅州及國會席次，似無可行性。

特朗普在當日接受《國家廣播公司》（NBC News）訪談，被要求就尋求第3任澄清，佢答稱「我唔係開玩笑」，仲話自己「有辦法可做到」。現年78歲嘅 特朗普曾暗示，自己或可不只做2屆，但當日嘅訪談，堪稱係目前為止，佢對實現該目標最具體嘅一次回應。

綜合《法新社》、《華盛頓郵報》所指，美國憲法第22修正案係由共和黨發起，並於1951年通過，當初係為處理 小羅斯福（Franklin D. Roosevelt）做4任總統一事。

第22修正案規定，無論是否連續，美國總統任期限制為2個4年。如果 特朗普尋求第3任，應有違憲之虞。美國修憲機制係一套雙重程序，修憲可由國會發起，亦可由各州發起。

如果由國會發起修憲，需在參、眾兩院都至少有2/3的議員提出修憲案；若由州層級發動，則必須由至少2/3嘅州議會提出修憲會議。截至目前為止，美國憲法27個修正案都係由國會所啟動。

修憲案需經批准程序先可生效成為法律。修憲案在國會或者修憲會議成案後，需獲3/4嘅州議會或州所召開嘅特別會議批准，先可生效。

美國歷史上只有憲法第21修正案（廢除禁酒法）係經各州特別修憲會議批准。考量到目前共和黨控制嘅州及國會席次，兩條路線似乎都不可行。

今年1月底 特朗普就職幾日後，田納西州共和黨聯邦眾議員 奧格茲（Andy Ogles）就提案修憲，允許美國總統若兩個任期不連續嘅情況下「可參選第3次」。

《美聯社》（AP）報導指出，波士頓東北大學（Northeastern University）憲法學教授 保羅（Jeremy Paul）認為，冇可信嘅法律依據可支持 特朗普競選第3個任期。

聖母大學選舉法教授 穆勒（Derek Muller）同指，1804年批准嘅第12修正案規定，「任何在憲法上不符總統資格者，亦不得擔任副總統」，意味 特朗普同冇資格再去做他人副手。

穆勒話：我唔認為有乜「奇怪嘅伎倆」，可以繞過總統任期限制。佢認為，特朗普公開話要尋求第3任期，係出於政治因素，意圖「盡可能展示其力量」。

《路透社》報導指，美國開國元勳 喬治．華盛頓（George Washington）於1796年樹立總統2任嘅不成文慣例，後在140幾年間為大多數後繼者所遵守，直至1940年被小羅斯福打破。

民主黨籍嘅 小羅斯福，在1930年代「美國經濟大蕭條、二戰期間」擔任總統，違背傳統並連做3屆，之後又贏得第4任，但於1945年第4任就職幾個月後，佢就因病過世。