根據《自由亞洲電台》29號報導，加拿大即將舉行大選，尋求連任 萬錦 於人村選區嘅自由黨候選人 蔣振宇 (Paul Chiang) ，過去一直被指立場親共。近日佢公開向民眾表示，要將保守黨候選人 鄭敬基拉去中國領事館，藉此攞到一百萬港元償金。

蔣振宇一席話瞬間引爆當地政局，佢隨後於周五正式作出道歉。加拿大《明報》早前報道指，自由黨親共議員 蔣振宇在今年 1 月同媒體見面時稱：如果在座諸位可將 鄭敬基帶去中國駐多倫多總領館，就可得到百萬懸紅獎賞。

周五28號 蔣振宇在推特X作出回應，話自己並冇否認自己講過嘅說話，而係直接作出道歉。佢話：我所發表嘅言論遭到譴責，完全低估咗事件嘅嚴重性，顯示我當時嘅判斷力嚴重失誤，我誠懇道歉，並對自己嘅言論深感遺憾。

蔣振宇係前加國警務人員，曾出席中國駐加拿大大使館於2025年舉辦嘅華人華僑春節招待會，同其他政界人士及中資機構代表共同參與活動。被加拿大政界部分人士視為立場親共。

2024年12月24號平安夜，香港警方國安處公布通緝名單，懸紅100萬港元通緝6名海外港人，其中包括現居加拿大嘅藝人 鄭敬基。佢被指干犯「煽動分裂國家罪、勾結外國或者境外勢力」。鄭敬基啱獲得保守黨支持，將代表該黨出戰多倫多當河谷北區（ Don Valley North） 選區。

該選區長期由自由黨主導，現任華裔國會議員 董晗鵬（Han Dong）出生於上海，佢在2021年以自由黨成員身份參選並勝出，後於2023年被指私下接觸中國外交人員，鬧出風波後離開自由黨。

多倫多支持中國民運會（TADC）共同主席 關卓中表示：有關説法令人震驚。蔣先生公開鼓勵人們協助中國進行干涉及跨國鎮壓。佢非但冇保護加拿大人，反背叛佢哋，妄顧佢哋嘅安全。

去年12月，港警宣布對 鄭敬基發出懸紅通緝令時，加拿大外交部長 喬美蘭已警告「不會容忍香港當局在外地進行跨國鎮壓，包括對加拿大人或在加拿大境內人士進行威脅、恐嚇、脅迫」。

據多倫多支持中國民運會指，中共一直在動員加拿大選民，特別係加拿大華裔集中嘅選區，煽動華裔選民投票俾對中友好嘅候選人。中共幫助 蔣振宇在 2021 年大選中擊敗廣受歡迎嘅保守黨在任議員。