根據港媒《香港01》27號報導，台灣總統 賴清德在3月13號公布「17條國安策略」，引發中共國台辦強烈譴責，令兩岸關係進一步惡化。針對此舉，香港中大（深圳）公共政策學院院長 鄭永年3月26號在「博鰲亞洲論壇2025」年會上受訪指，賴嘅作法「非常危險」，並指「中國一直克制自己唔好使用武力」。

台灣紅色陸媒《中時新聞》報道指，鄭永年在受訪時指，「從來未曾有一個似中國咁樣嘅大國，有能力解決問題，但是克制不用武力解決問題。無論碰到美國也好，或者任何一個大國，如果想解決領土主權問題，肯定係「訴諸武力」。現時無論台灣問題、南海問題，北京就係克制自己唔好使用武力，或盡可能使用和平方式解決問題。

鄭永年進一步強調，我哋從來冇話要放棄以武力解決有關問題。如果台灣最後滑向台獨或獨立，中國肯定要用武力，100％用武。鄭永年並點出台灣問題在中美眼中嘅性質不同：台灣對中國14億人屬主權問題，對美國屬地緣政治問題。係兩個不同性質嘅問題，近年年西方有人故意混淆台灣問題及烏克蘭問題，完全係兩碼事。

鄭永年直言，烏克蘭係一個獨立主權國家，台灣從來非獨立主權國，以後亦唔會。所以 賴唔好咁莽撞，實際上佢近來動作好危險，非常危險。鄭永年強調，北京對台並非無力處理，而係出於戰略克制，並宣稱北京相當克制，盡量會以和平方法解決問題。