根據台灣《Newtalk新聞》28號報導，國民黨立委 翁曉玲尋日點名台灣「年代電視」政論節目《雅琴看世界》，在最後一季申訴就高達308件，痛斥台灣國家通訊傳播委員會（NCC）無所作為，並認為應對該節目進行警告或「暫時停播」處置。

對此，台灣NCC今28號表示，本案有送至諮詢委員會討論，惟目前委員會「人數未過半」，且做出裁決須委員會決定，因此委員會暫無法做出最終決議。而今次委員人數不過半，其起始原因就係國民黨、民眾黨立委持續杯葛執政黨運作。

不過面對 翁曉玲指控，《雅琴看世界》主持人 張雅琴亦不示弱，尋日27號晚在節目中反擊 翁女，表示節目之所以會收到300幾件投訴，係因「藍白」人士以「複製貼上」方式去NCC投訴，縱然佢遵照記者會內容傳達，亦會遭遇投訴話「與事實不符」，有關狀況應去問開記者會嘅人，點會講到我身上呢？

張雅琴並表示，立委 翁曉玲應該要下台，我 張雅琴並非咁易整死嘅。張雅琴並直言，望NCC在網路上公開300幾件投訴嘅內容，等大家來評評理，並直指啲投訴嘅人有幾咁無聊！張雅琴自認能坐在主播台咁多年，並非憑其外貌，而係憑佢嘅腦及良心。

有網民對此稱，過去雖會收睇該節目，但對於主持人並不特別欣賞，原因就係 張雅琴過去出身自《TVBS》，甚至駐點過香港，但對於佢今次正直嘅反擊表示激賞！而 張雅琴同在個人FB撰文：啥，翁曉玲違反言論自由！好大官威要關電視節目！又不敢辯論！

張雅琴並反擊 翁女稱「我們不在同一個層次」，張雅琴主播話：我哋當然唔在同一個層次！我嘅層次高你太多！你滿口中國人，我係台灣優先，我倆當然唔在同一層次！張雅琴並反諷國民黨指：台灣仲有無數個雅琴看世界，你哋閂唔到節目啦！

張雅琴最終以嘲諷口吻再次為自己嘅節目打廣告，敬請觀眾鎖定週一至週五晚上6點「同 翁女完全不同層次」嘅「年代晚報-張雅琴說播批評」，以及週六、周日夜晚9點嘅節目「雅琴看世界+雅琴看世界英文版」。