根據台灣《中央社》26號報導，美國聯邦巡迴上訴法院今維持下級法院頒布嘅限制令，禁止 特朗普政府據一項「鮮少使用」嘅18世紀法律，驅逐部分委內瑞拉移民。

《路透》、《法新》等媒體報導指，聯邦巡迴上訴法院3名法官，以2比1票數維持聯邦地區法院法官 波斯柏格（James Boasberg）發布嘅限令，暫時禁止 特朗普政府依1798年戰時「外國敵人法」（Alien Enemies Act）驅逐更多人。

今次巡迴上訴嘅新一次裁決，無疑係對共和黨籍總統 特朗普嘅又一次挫敗。特朗普曾經主張，法官 波斯柏格嘅限制令，侵犯其行政部門在國安決策上嘅權限。

特朗普在本月15號援引「外敵法」，迅速將疑為委內瑞拉黑幫「阿拉瓜火車」（Tren de Aragua）嘅成員遞解出境。該法最為人所知嘅就係在二戰期間，被用以關押「日、義、德」移民，特朗普曾經試圖藉此加快驅逐程序。

美國民權聯盟（American Civil Liberties Union）之後向其提出司法挑戰後，波斯博格在同一日便發布限制令。儘管如此，特朗普政府仍按計畫展開「非法」驅逐行動，將238名委內瑞拉男性送上飛機載運返去薩爾瓦多，並安置在薩國「恐怖分子拘留中心」。

有律師對外表示，遭驅逐嘅委國民眾之中，部分人士並非阿拉瓜火車幫派成員，甚至未曾犯罪過。佢哋之所以淪為鎖定對象，主要同身上嘅刺青有關。

聯邦巡迴上訴法院合議庭3名法官之一 米列（Patricia Millett），今日投票贊成維持下級法院限制令，佢表示，今次委內瑞拉移民遭驅逐出境嘅基礎，只有政府單方面「片面嘅指控」。

至於在證明啲人是否為幫派分子方面，新政府並冇「發通知、辦聽證」，甚至冇提供俾人解釋嘅機會，整個程序係零。米列話：如果政府可以選擇犧牲部分人士嘅公平或平等程序，佢甚至可以對每一個人咁做。