根據台灣《上報》26號報導，美國總統 特朗普正大規模精簡聯邦政府、削減開支，數萬名聯邦政府員工面臨裁撤風險。《路透社》近日報導指，有一間行事隱密嘅中國科企所經營嘅企業網，正在向呢啲被解雇嘅美國政府員工招手，以蒐集更多美國政府內部情資。

報導指出，華府智庫「捍衛民主基金會」（Foundation for Defense of Democracies）新興威脅分析師 賴瑟（Max Lesser）表示，有假冒成顧問嘅獵人頭公司，近日在網上刊登徵才廣告，其背後存在一個更大規模嘅招聘網，目標就係鎖定美國前政府僱員，以及各領域AI人工智慧研究員。

報導引述 賴瑟嘅研究指，有4間諮詢或獵人頭公司，背後涉及同一間由中國科企所經營嘅企業網，不過上述4間公司嘅公開資訊相當少。此外，在部分情況下，4間公司嘅網站內容存在大量重疊，並被同時「託管」在相同嘅伺服器上，或有其他數位連結。

4間公司網站嘅IP位，同為一個叫「Smiao Intelligence」嘅網路服務公司，不過在《路透社》調查期間，「Smiao Intelligence」嘅網站已無法開啟。調查員無法判定「Smiao Intelligence」同上述4間公司係乜關係

《路透社》曾試圖追查4間公司及「Smiao Intelligence」，但卻處處碰壁，包括遇上「電話無人接聽、電話號碼無效、假地址、地址為空地、電郵無人覆」，另有包括徵才網「領英」（LinkedIn）上嘅職缺被刪除。

賴瑟在報導出刊前，同《路透社》分享其研究。賴瑟話，該徵才行動採取過去中國實行情報行動嘅各類「成熟又可靠」（well-established）手段。顯示其背後背景不單純。

而有關活動之所以意義重大，就係因該網正鎖定近排受大規模裁員嘅聯邦前僱員，並利用佢哋在經濟上遇困境嘅弱點。不過報導亦提到，無法確認4間公司嘅招聘是否同中國政府有關，亦無法得知最終是否真有前聯邦僱員被招募。

報導並指出，其中一間叫「RiverMerge Strategies」嘅公司，在網上自稱為「專業地緣政治風險顧問公司」。今年2月中曾經在LinkedIn刊登2則職缺廣告，不過目前有關貼文及LinkedIn公司頁面已被刪。

其中一則要搵「地緣政治顧問」（Geopolitical Consulting Advisor），並要求要有政府機構、國際組織、跨國企業相關經驗。根據LinkedIn 有關截圖，該職缺曾吸引超過200人投遞。

另一則要搵「人資專員」，要求「要對華府嘅人才生態」要有深入理解，並需具政策或顧問背景，並可利用自己嘅「在地專業圈、智庫、學術機構人脈」等資源。

目前，「RiverMerge Strategies」網上列出嘅美國電話號已失效。網站聯絡頁上原有一組中國電話，該號碼同「深圳思訊軟件有限公司」（Shenzhen Si Xun Software Co., Ltd）號碼相同。「深圳思訊」專做網路零售、商業自動化、餐飲相關資訊技術服務。

該網直至近排都仍顯示有2個地址，一個在新加坡，一個在美國科羅拉多州。新國嘅地址實為新加坡管理發展學院校區內嘅一棟旅館，現場並無該公司。而科羅拉多州博爾德市嘅地址，實係一間提供商業登記服務嘅公司「Northwest Registered Agent」。

據美國《有線電視新聞網》（CNN）2月28號報導，美國情報單位相信，「俄中」正針對心懷不滿嘅美國政府員工下手，「中俄」多年來一直持續做緊件事。賴瑟指，啲公司透過美國分類廣告網「克雷格列表」（Craigslist）、徵才網「領英」（LinkedIn）同其他求職網刊登職缺，可能就係呢類行動正在進行嘅具體證據。

《路透社》早前報導同指出，有部分持高級別安全許可嘅美國政府員工，在離職時並未接受「標準離職簡報」，而啲簡報就包括，萬一被外國敵對勢力接觸時「應點樣應對」。