根據台灣《中央社》25號報導，美國智庫發布報告示警，中共持續對台同步發動公開及秘密政治戰行動。報告提出細緻建議，包括建立外國代理人登記機制、加重間諜刑罰，強化監督現任及卸任官員赴中，要求出發前30日公開行程、嚴禁閉門會議。

華府智庫「全球台灣研究中心」（Global Taiwan Institute，GTI）近日發布「中國共產黨對台灣的秘密行動」報告，報告由前中情局（CIA）分析師、中國問題專家 孟沛德（Peter Mattis）等人執筆。

內指，冇任何民主政體似台灣一樣，面臨規模咁大嘅外來威脅，影響其完整性、獨立性。中共對台嘅惡意意圖、影響力行動，及其對台灣民主社會所構成嘅威脅、傷害，係真真實實存在。

台灣面臨中共一系列秘密政治戰行動，目的在於削弱抵抗意志。如果不加以遏阻，啲行動恐自內部瓦解台灣。孟沛德等共同筆者並提出數項建議，應納入要求外國代理人進行註冊。

現時間，澳洲、加拿大、英國、美國都有法律架構要求代表外國委託人行事時，應進行公開註冊，以提高透明度。即使啲法律並不完美，但已足夠初步界定邊啲行為可接受，邊啲不可接受。

報告建議將未登記嘅外國勢力代理人「視為刑事犯罪」。由於民主國家難以處置間諜活動，因為刑事審判會被要求披露，機密資訊恐外洩，但其相關資訊仍應受到保護、保密。

孟沛德等人指，在美國嘅間諜，多以「未登記外國代理人」罪名受起訴。美國政府無需證明當事人是否因洩密而損害國安，只需證明當事人受外國勢力指示。係一種較輕嘅罪行，但處罰仍相當重。

而台灣現行安全審查制度，係機關規則及國家相關法律拼湊而成。如果建立一套嚴格嘅安全審查制度，強化官員離任後審查，將使政府員工遵守更高行為準則，包括在嚴重洩密案中承擔刑事後果。

此外，呢套審查制度亦須有助於中央及地方政府間，以及行政及立法部門間建立互信，以「有利執行敏感國安相關作業」為最高準則。專家表示，台灣可透過額外嘅刑事強化措施，對具有更大政治後果或危及台灣政府完整性嘅罪行，可立法增加額外量刑。

例如被判犯有國安相關罪行嘅政府官員，招募其他官員或軍官參與間諜活動，協助同中國情報、統戰機構聯繫，應受更重處罰。孟沛德表示，若不只參與間諜活動，更涉及散布中共言論、參與中國境內統戰活動，或具更大政治影響力活動時，亦可適用加重刑罰。

報告另建議，台灣應強化國人對中國互動嘅監督及透明度，範圍包括「現任或前任民選官員、立法委員、政治任命者」赴中行程。制定全面性相關規定，包括在出發前30日強制公開詳盡行程、嚴格禁止閉門會議，所有正式會議均需有外交員在場、記者採訪完整記錄。

報告並認為，支持訓練記者及獎助計畫，係遏阻滲透嘅可行做法。孟沛德指，政治戰相關報導複雜，民間社會有時更有能力調查。記者不只發揮第四權傳統監督作用，亦可發掘政府睇唔到嘅問題。因此可設立由政府、媒體機構、私人捐助者資助嘅基金，支持獨立報導。