根據台灣陸媒《東森新聞》25號報導，中配「亞亞」在離境台灣前，仍在當日下晝接受親中台媒《東森》專訪，亞亞再次為自己辯解，稱自己自始自終都未曾在片中「鼓吹」武統，又話自己在台灣生活咁耐，萬一飛彈打來，唔通飛彈會知道佢係中國人而唔打佢咩？

另外，亞亞並透露，移民署原處分係可團聚，後又臨時追加剔走團聚部分，根本係一種剝奪而且令其家庭破碎，陪同受訪嘅 鄭村棋同力挺佢，並更搞笑哋批執政黨「點會同對岸一樣標準？」。鄭村棋又話，如果要影響國安，請立法明文規定邊啲嘢可講邊啲嘢不可講。

亞亞在專訪中，首先針對武統言論說法作出澄清，亞亞話，佢係在去年520賴清德就職後，感受到台海之間有所變化，所以先會有感並進一步在抖音發片，但因佢嘅成長背景就在中國，因此佢一慣主張就係統一，但佢希望係透過「和平方式」行到嗰一步。

另有人質疑，點解會俾自己個囡拍攝武統恐嚇片，對此亞亞解稱，囡囡只係想要闡述中國四川艦嘅武力好強大，片中所謂「要完成大事」完全冇話要針對台灣，唔知點解會被解讀成要對台灣動武。亞亞補充話，要啲細佬知道中國武力強大，其實係「愛國」表現，唔知點解要將細佬拖下水。

亦有人質疑，亞亞攞兩岸議題炒流量賺錢，對此亞亞稱，幾年前因緣際會在參加「祖國」一個文旅活動，因此接觸到抖音，拍攝旅遊相關影片同帶來好多流量，但亞亞在節目宣稱，佢並不以此謀生營利，初初去移民署訪談時，就已將抖音營收資料詳列俾官員睇，一日最多賺一蚊幾人紙，並反問：咁樣算多咩？

亞亞又透露，移民署共寄送兩份處分書，第一次原係告知佢，雖然取消其居留許可，但就指唔使出境冇問題，只需透過申請團聚方式就可續留台灣，但隔冇幾耐又收到補寄處分書，內將團聚部分全部鏟走晒，唔明點解處分書要分兩次送。外界認為，可能同亞亞收到處分書後，又衰多口拍片鬧台灣有關。

亞亞最後話，為避免未來無法順利返台探望子女、丈夫，佢會在期限內搭機離台，避免有違反規定嘅紀錄，進而影響未來再次赴台嘅資格。亞亞強調，佢想要留在台灣嘅原因，主要就係因為媒體、網友對其嘅不實指控即及報導，並已嚴重影響到佢甚至拆散其家庭，佢並希望台灣各界還返佢一個道歉。